تاتارستاندا بازاردا اربا ايداپ ءجۇرىپ, بالالار ۇيىنە 80-نەن استام كولىك سىيلاعان قارياعا ەسكەرتكىش ورناتىلعان, دەپ جازادى Egemen.kz.
تاتارستاننىڭ ەدىل مەن قازان (كازانكا) وزەنى تۇيىسكەن جەردىڭ دوڭىندە تاتارستاننىڭ كرەملى تۇر. وسى ساياسي سالماقتى, تاريحي كورنەكتى ورىندا قاراپايىم اربا جەككەن قارياعا ارنايى ەسكەرتكىش ورناتىلعان.
سىرتتاي قاراعاندا ءپروتوتيپى حالىق اراسىنداعى بەلگىسىز قاريا بولىپ كورىنگەنمەن, ونىڭ عۇمىرىندا جاساعان ەرلىگى ەسكەرتكىش ورناتۋعا تۇرارلىق.
اسگات گاليمزيانوۆ (اسحات عالىمجانوۆ) 1936 جىلى قاراپايىم ەڭبەك ادامىنىڭ شاڭىراعىندا دۇنيەگە كەلگەن. ول جوعارعى وقۋ ورنىندا وقىماي, اسكەردەن ءسوڭ بىراز ۋاقىت ميليتسيا بولىپ قىزمەت ەتەدى. بۇل كاسىپتى قولاي كورمەي, بازاردا اربا ايداۋعا كوشەدى. قىزمەتى بازارداعى قالدىقتاردى ءبىر-ەكى قىر اسىرىپ توگىپ تاستاۋ. وسىلاي اربا ايداي ءجۇرىپ, تاتارستاننىڭ تۇكپىر-تۇكپىرىندەگى بالالار ۇيىنە قالاي 80 -نەن استام كولىك سىيلاعانىن ايتۋعان دوسبي گازەتىمىزدىڭ بۇگىنگى سانىندا جارىق كورگەن ماقالاسىندا تارقاتا جازادى.
ء«بىر كۇنى وي كەلەدى: «نەگە مۇنى مالعا بەرسەم, ساۋاپ ءىس قوي» دەگەن. ءسىرا, ول كەزدە قالا ىشىندە مال باعۋعا تىيىم سالسا كەرەك. سودان ءۇيىنىڭ ماڭىنان ۇلكەن ءارى كەڭ جەرتولە قازىپ, جاسىرىن قارا مال اسىرايدى. جەم-ءشوبى – بازاردىڭ سۋ تەگىن قالعان-قۇتقانى. بۇل بەرەكەلى كاسىپ بولادى. قوراسىن ايناداي تازا ۇستايدى. كەرەمەت بايدى. «اقشاسىن قايدا جىبەرگەن؟» دەيسىز عوي. تاتارستان, باشقۇرتستان, شۋباشستان رەسپۋبليكالارىنىڭ بالالار ۇيىنە اۋدارىپ وتىرعان. بەيبىتشىلىك, چەرنوبىل, ت.ب. قورلارىنا سالعان قارجىسى تاعى بار. 90-جىلدارى توتەننەن ەكونوميكالىق داعدارىس كەلگەندە, قازاننىڭ №1 بالالار ۇيىنە «نيۆا» كولىگى مەن اۆتوبۋس ساتىپ الىپ بەرەدى. جەمىس-جيدەك پىسكەندە جاس ورىمدەر قۋانسىن دەپ ۋىلجىعان ءونىمدى اربالاپ اكەلىپ, تارتۋ ەتەتىن ۇقسايدى».
ونىڭ ەل اۋزىنداعى تاعى ءبىر ەرلىگى قازاقستانمەن بايلانىستى. تولىعىراق «ىزگى ارباكەش» ماقالاسىنان وقي الاسىزدار.