استانا. 26 ءساۋىر. پرەزيدەنتتىك سايلاۋدا داۋىس بەرۋ كەزىندە پروكۋراتۋرا ورگاندارىنا زاڭ بۇزۋشىلىق تۋرالى ەلەۋلى وتىنىشتەر, مالىمەتتەر تۇسكەن جوق. باس پروكۋراتۋرانىڭ رەسمي وكىلى نۇرداۋلەت سۇيىندىكوۆ وسىلاي دەدى. بۇل تۋرالى egemen.kz ءتىلشىسى حابارلادى.
ن.سۇيىندىكوۆ: «پرەزيدەنت سايلاۋىندا داۋىس بەرۋ پروتسەسىندە پروكۋراتۋرا ورگاندارى بارلىق سايلاۋ كوميسسيالارىمەن جانە مۇددەلى مەملەكەتتىك مەكەمەلەرمەن تىكەلەي بايلانىستا بولدى. قازىرگى ساتكە دەيىن پروكۋراتۋرا ورىندارىنا سايلاۋ زاڭنامالارىن بۇزۋعا قاتىستى ەلەۋلى ءبىر شاعىمدار, وتىنىشتە نەمەسە حابارلامالار تۇسكەن جوق. تەك, سەمەي قالاسىنىڭ تۇرعىندارى, ەرلى-زايىپتى كارپۋحيندەر وزدەرىنىڭ تۇرعىلىقتى جەرىندەگى سايلاۋ ۋچاسكەسىندە تۇزىلگەن تىزىمگە ەنبەي قالعاندارى تۋرالى شاعىمدانعان. ولاردىڭ سول ءتيىستى اۋماقتا تۇراتىندارى انىقتالعاننان كەيىن, كارپۋحيندەر داۋىس بەرۋگە مۇمكىندىك الدى. قازىرگى تاڭدا بۇل كىسىلەردىڭ الدىن الا تۇزىلگەن تىزىمگە ەنبەي قالۋىنىڭ سەبەپتەرى انىقتالۋدا», – دەدى.
جولدىباي بازار.
دەرەك, سۋرەت: egemen.kz.