بۇۇ دۇنيەجۇزىندەگى حالىق سانىنىڭ 2100 جىلعا قاراي ءوسۋ بولجامىن ۇسىنعان زەرتتەۋ ماقالاسىن جاريالادى, دەپ جازادى Egemen.kz.
قازىر الەمدەگى حالىق سانى 8 ميللياردتان استى. زەرتتەۋدەگى بولجام بويىنشا 2084 جىلى جەر شارىنداعى حالىق سانى 10,3 ميللياردقا جەتەدى. ال 2100 جىلعا قاراي بۇل كورسەتكىش 10, 2 ملرد بولىپ, حالىق سانىنىڭ ازايۋ قۇبىلىسى بايقالۋى مۇمكىن.
قىزىعى, قازىرگى ۋاقىتتا حالىق سانى بويىنشا كوش باستاپ تۇرعان قىتاي مەن ءۇندىستاندا تابيعي ءوسىم تومەندەۋى ىقتيمال. اتالعان ەلدەردە ولىم-ءجىتىم ءبىر جىلداعى تۋ كورسەتكىشىنەن 10,5 ملن جانە 7,4 ملن ادامعا اسىپ ءتۇسۋى بولجانىپ وتىر.
كەرىسىنشە, حالىقتىڭ ەڭ جوعارعى تابيعي ءوسىمى 2100 جىلعا قاراي كونگو, تانزانيا, ەفيوپيا جانە پاكىستاندا بولماق.
ال رەسەي, گەرمانيا, ۋكراينادا بولجالدى جىل شاماسىندا حالىق سانىنىڭ تومەندەۋى بولجانىپ وتىر.
2100 جىلعا قاراي ەر مەن ايەلدىڭ ءومىر ءسۇرۋ ۇزاقتىعى تۋرالى دەرەكتەردى قازاقستان قوعامدىق دامۋ ينستيتۋتىنىڭ ساراپشىسى ماريا جىلقىشيەۆانىڭ «الەم قالاي ءوسىپ-ونبەك» ماقالاسىنان بىلە الاسىزدار.