قازاقستان قىتايعا 75 ملن دوللارعا ەت پەن مال جەتكىزۋدى جوسپارلاپ وتىر. رەسپۋبليكانىڭ اۋىل شارۋاشىلىعى سالاسىندا قازاقستان-قىتاي سەرىكتەستىگىنىڭ ماڭىزدىلىعى ارتىپ كەلەدى.
قازاقستان قىتايعا 75 ملن دوللار بولاتىن ەت پەن مال جەتكىزۋدى جوسپارلاپ وتىر. بۇل شەشىمگە اۋىل شارۋاشىلىعى مينيسترلىگىنىڭ وكىلدەرى مەن قىتايدىڭ «CITIC Construction» جانە «Beijing Capital Agro» كومپانيالارىنىڭ باسشىلىق قۇرامى كەزدەسۋىنىڭ ارقاسىندا قول جەتكەن. كەزدەسۋگە قازاقستاننىڭ «Meat processing and Servis company», «ەلىماي كوكپەكتى», «استانا اگرو پرودۋكت» جشس, «Agro Silk Way», «جاكە» شق, «قازاقستان ەت وداعى» قاۋىمداستىعىنىڭ وكىلدەرى قاتىسقان.
– قازاقستاننىڭ اۋىل شارۋاشىلىعى مينيسترلىگى مەملەكەت باسشىسىنىڭ ەكسپورتتى ۇلعايتۋ جونىندەگى تاپسىرماسى جانە قازاقستان مەن قحر اراسىندا قول قويىلعان ۆەتەرينارلىق تالاپتار جونىندەگى حاتتاما شەڭبەرىندە جۇمىستى جالعاستىرىپ جاتىر, – دەلىنگەن باسىلىم ماقالاسىندا. سونداي-اق مينيسترلىك اۋىل شارۋاشىلىعى سالاسىنداعى قازاقستان-قىتاي سەرىكتەستىگىنىڭ ماڭىزدىلىعىنا جەكە توقتالعان. بىلتىر قازاقستان مەن قحر اراسىنداعى اوك ونىمدەرىنىڭ تاۋار اينالىمى 1,3 ملرد دوللاردى قۇرادى, بۇل 2022 جىلمەن سالىستىرعاندا 67 پايىزعا ارتىق. قحر-عا اۋىل شارۋاشىلىعى ونىمدەرىن ەكسپورتتاۋ كولەمى 2 ەسە ءوسىپ, 1 ملرد دوللارعا جەتتى. ەندىگى جەردە مال شارۋاشىلىعى ونىمدەرى ەسەبىنەن ەكسپورت كولەمى ۇلعايتىلماق.