قازاقستان پرەزيدەنتى قاسىم-جومارت توقاەۆتىڭ باكۋدە COP29-عا قاتىسۋى كۇتىلىپ وتىر. بۇل تۋرالى قازاقستاننىڭ ازەربايجانداعى ەلشىسى ءالىم بايەل ازەربايجان – قازاقستان تۋريستىك فورۋمىندا ايتتى.
«قازاقستان مەن ازەربايجان – ستراتەگيالىق سەرىكتەس ءارى وداقتاس ەلدەر. مۇنىڭ كەپىلى – مەملەكەتتەر باسشىلارى اراسىنداعى ساياسي ديالوگ. پرەزيدەنتتەر ءجيى كەزدەسۋلەر وتكىزىپ, ءوزارا ساپارلار جاسايدى. ءبىزدىڭ پرەزيدەنتتىڭ باكۋدە COP29-عا قاتىسۋىن كۇتەمىز», دەدى ەلشى. ەستەرىڭىزگە سالا كەتەيىك, بيىل قاراشا ايىندا ازەربايجاندا بۇۇ-نىڭ كليماتتىڭ وزگەرۋى تۋرالى نەگىزدەمەلىك كونۆەنتسياسىنا بايلانىستى كونفەرەنتسياسىنىڭ 29-شى سەسسياسى وتەدى. بۇل تۋرالى شەشىم بىلتىر 11 جەلتوقسانىندا دۋبايدا وتكەن سور28 پلەنارلىق وتىرىسىندا قابىلداندى. ەكى اپتا ىشىندە باكۋ الەمنىڭ ورتالىعىنا اينالىپ, 70-80 مىڭعا جۋىق شەتەلدىك قوناقتاردى قابىلدايدى.
بۇدان بولەك, قازاقستاننىڭ ازەربايجانداعى ەلشىسى ءالىم بايەل بىلتىر وسى ەلگە ورتالىق ازيادان بارعان ءاربىر ەكىنشى تۋريست قازاقستاننان كەلگەنىن ايتتى. بىلتىر ازەربايجانعا 58 مىڭ, بيىل قاڭتار-ماۋسىم ايلارىندا 38 مىڭنان استام قازاق تۋريستەرى كەلگەن.