اتىراۋدا تاعى ەكى بالا سۋعا باتىپ كەتكەن

اتىراۋ وبلىسىنىڭ توتەنشە جاعدايلار دەپارتامەنتى اپات تۋرالى 23 شىلدە كۇنى ساعات 00:50-دە حابار الدى. سۋعا باتقان ءبىر بالانىڭ دەنەسىن تۋىستارى الىپ شىققان. ەكىنشىسىن ىزدەۋ جۇمىستارى ءالى جالعاسىپ جاتىر.

«بەسىكتى اۋىلىندا 2010 جانە 2011 جىلى تۋعان بالالار شومىلۋ كەزىندە سۋعا باتىپ كەتتى. 13 جاسار بالانىڭ دەنەسىن تۋىستارى تاۋىپ الىپ, سۋدان شىعاردى, ال ەكىنشى بالانى  ىزدەۋ جۇمىستارى ءجۇرىپ جاتىر. ىزدەستىرۋ جۇمىستارىنا توتەنشە جاعداي قىزمەتىنىڭ 11 قىزمەتكەرى, 5 سۋ كولىگى جۇمىلدىرىلدى», دەپ حابارلادى وبلىستىق توتەنشە جاعدايلار دەپارتامەنتى.

ماماندار اتىراۋ وبلىسىندا بيىل سۋعا ءتۇسۋ ماۋسىمى ءالى اشىلماعانىن دا ناقتىلادى.