پايدالى قازبالاردى زاڭسىز تاسىمالداعان 164 جۇك كولىگى «تۇركىستان» ايىپپۇل تۇراعىنا قويىلعان, دەپ حابارلايدى Egemen.kz Polisia.kz سايتىنا سىلتەمە جاساپ.
تۇركىستان وبلىسىندا جەر قويناۋىن زاڭسىز پايدالانۋدىڭ الدىن الۋ ماقساتىندا رەيدتىك-پروفيلاكتيكالىق ءىس-شارالار جالعاسىپ جاتىر. جۇرگىزىلگەن رەيدتەر ناتيجەسىندە 164 جۇك كولىگى مەن 17 ارنايى تەحنيكا ايىپ تۇراعىنا جونەلتىلگەن. ونىڭ ىشىندە 92 Howo جانە 72 كاماز, سونداي-اق 8 ەكسكاۆاتور مەن 9 جۇك تيەگىش بار.
سونىمەن قاتار ساۋران اۋدانىندا 24 ساعات ىشىندە جەر قويناۋىن زاڭسىز تاسىمالداۋدىڭ بەس فاكتىسى انىقتالعان. ناتيجەسىندە بارلىق جۇك كولىكتەرى ايىپ تۇراعىنا قويىلىپ, جينالعان ماتەريالدار اكىمشىلىك جاۋاپكەرشىلىككە تارتۋ ءۇشىن ەكولوگيا دەپارتامەنتىنە جىبەرىلگەن.
ايتا كەتەيىك, جىل باسىنان بەرى وبلىستا «جەر قويناۋىن ءوز بەتىنشە پايدالانۋ» بويىنشا ءتورت قىلمىستىق ءىس تىركەلگەن. بۇدان بولەك, جەر قويناۋىن زاڭسىز پايدالانۋدىڭ 150 فاكتىسى بويىنشا بارلىق جينالعان قۇجاتتار «جەر قويناۋىنا مەملەكەتتىك مەنشىك قۇقىعىن بۇزۋ» بابى بويىنشا ەكولوگيا دەپارتامەنتىنە جولدانعان.