اۋىر جاراقات العان جابىرلەنۋشى دەرەۋ اۋرۋحاناعا جەتكىزىلدى, بىراق دارىگەرلەر ونى امان الىپ قالا المادى, دەپ حابارلايدى Egemen.kz.
وبلىستىق جەدەل جاردەم ستانتسياسى قوڭىراۋ 20 شىلدە كۇنى تاڭعى ساعات 4:34-تە تۇسكەنىن حابارلادى.
«قوڭىراۋ 20 شىلدە كۇنى ساعات 04:34-تە ءماشھۇر-ءجۇسىپ پەن لەرمونتوۆ كوشەلەرىنىڭ قيىلىسىندا ءتۇستى. جابىرلەنۋشى - 35 جاستاعى ەر ادام, ول كەۋدە تۇسىنان پىشاق جاراقاتىن العان. جاعدايى وتە اۋىر, ول سۇلتانوۆ اتىنداعى وبلىستىق كلينيكالىق اۋرۋحاناعا جەتكىزىلدى», دەلىنگەن جەدەل اقپاراتتا.
دەنساۋلىق ساقتاۋ باسقارماسى ەر ادامنىڭ كلينيكالىق ءولىم جاعدايىندا جەتكىزىلگەنىن راستادى. ول سول كۇنى قايتىس بولدى.
كىسى ءولتىرۋ دەرەگى بويىنشا تەرگەۋ باستالدى. كۇدىكتى ۇستالىپ, پاۆلودار قالاسىنداعى ۋاقىتشا ۇستاۋ يزولياتورىنا قامالدى.
«وقيعانىڭ ءمان-جايى انىقتالىپ جاتىر. تەرگەۋ جالعاسىپ جاتىر», دەلىنگەن پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.