ءXXXIIى جازعى وليمپيادا ويىندارىنىڭ باستاۋ الۋىنا 3 كۇن قالدى. الەمنىڭ ايگىلى ءارى ۇزدىك سپورتشىلارى باس قوساتىن سىنعا قازاقستان اتلەتتەرىنىڭ العاشقى لەگى دە اتتاندى, دەپ جازادى Egemen.kz.
پاريج وليمپياداسىندا ەل نامىسىن 80 وتانداسىمىز 25 سپورت تۇرىنەن قورعايدى. قورجىندا 92 جولداما بار.
وليمپيادالىق قۇرامنىڭ وسى جولعى ەرەكشەلىگى رەتىندە العاش رەت «التىنى» ساراپقا سالىناتىن برەيكينگ جانە بادمينتوننان قازاقستان وكىلدەرى جولدامانى قارماپ قالدى.
ەل سپورتشىلارىنىڭ اراسىندا وليمپيا ويىندارىندا ەڭ جاس سپورتشى رەتىندە باتىرحان تولەۋعالي (17 جاس), ەڭ ەگدە سپورتشى سەمسەرلەسۋدەن ەلمير ءالىمجانوۆ (37 جاس) باق سىنايدى.
وزبەكستان جولداما سانى جاعىنان قازاقستاندى باسىپ وزدى. ورتالىق ازياداعى وزگە مەملەكەتتەر وليمپياداعا نەشە سپورتشى قوسقانىن ءتىلشىمىز الماس ماناپتىڭ پاريج تورىنەن قانداي سىي بۇيىرادى ماقالاسىنان تولىق وقي الاسىز.