شىڭعىستاۋدىڭ بويىنداعى ەسكى قىستاۋلاردىڭ بىرىندەگى جالپاق قارا تاستاردىڭ قۇپياسى ءالى اشىلماپتى. حالىق «قوڭىراۋ تاستار» دەپ اتايتىن بۇل ورىندى كوپ ادام بىلە دە بەرمەيدى.
ءسىز دە كورگەن شىعارسىز. جەلىدە سەمەي وڭىرىندەگى اباي ولكەسىندە ءتۇسىرىلدى دەلىنگەن بەينەجازبا تاراپ ءجۇر. جازبادا ۇلكەن قويتاستاردى ءتۇرتىپ قالساڭ, سىڭعىرلاپ سان ءتۇرلى ءۇن شىعاراتىنىن بايقاۋعا بولادى. جاقپار تاستاردىڭ مۇنداي دىبىستاردى قالاي شىعاراتىنىن جەرگىلىكتى تۇرعىندار دا بىلمەيدى. تاستاردىڭ قۇرامىندا مەتالل كوپ دەيتىن پىكىرلەر دە جوق ەمەس. مۇنداي تاستار رەسەيدىڭ كارەليا اۋماعى, اقش-تىڭ پەنسيلۆانيا شتاتى جانە يوردانيا سەكىلدى بىرنەشە وڭىردە عانا بار ەكەن.