الماتىدا "الماتى جاستارى" يپوتەكالىق باعدارلاماسىنا ءوتىنىم قابىلداۋ باستالادى, دەپ حابارلايدى Egemen.kz.
الماتى قالاسى كوممۋنالدىق ينفراقۇرىلىمدى دامىتۋ باسقارماسى 2024 جىلى 29 شىلدە مەن 7 تامىز ارالىعىندا "الماتى جاستارى" باعدارلاماسى اياسىندا تۇرعىن ءۇي ساتىپ الۋعا قاجەتتى جەڭىلدەتىلگەن نەسيە الۋ ءۇشىن 35 جاسقا دەيىنگى جاستاردان ءوتىنىم مەن قۇجات قابىلداۋدىڭ باستالعانى تۋرالى حابارلايدى.
باعدارلاماعا قاتىسۋ ءۇشىن ءوتىنىمدى سايتى ارقىلى بەرۋگە بولادى. بۇل ءۇشىن ەلەكتروندىق تسيفرلىق قولتاڭبا (ەتسق) قاجەت.
باعدارلاما اياسىندا نەسيە بەرۋ شارتتارى:
قارىزدىڭ ەڭ جوعارى سوماسى – 18 ميلليون تەڭگەگە دەيىن;پايىزدىق مولشەرلەمە – 5 پايىز;باستاپقى جارنا – 10 پايىز;باستاپقى جانە قايتالاما تۇرعىن ءۇي الۋ مۇمكىندىگى;قامتۋ – ەڭ كەمى 1200 ادام.
قاتىسۋعا قويىلاتىن نەگىزگى تالاپتار:
قازاقستان رەسپۋبليكاسىنىڭ ازاماتتىعى;وتىنىم بەرۋ كەزىندە ءوتىنىش بەرۋشىنىڭ جانە جۇبايىنىڭ (بار بولسا) الماتى قالاسىندا تۇراقتى تىركەۋى ءبولۋى;وتىنىم بەرۋ كەزىندە قاتىسۋشى 35 جاسقا تولماۋى كەرەك, ال جۇبايىنىڭ (بار بولسا) جاسى ەسەپكە الىنبايدى. باعدارلاماعا نەگىزگى قاتىسۋشى رەتىندە ەرلى-زايىپتىنىڭ بىرەۋى عانا قاتىسا الادى;
قاتىسۋشىنىڭ جانە ونىڭ وتباسى مۇشەسىندە مەنشىك قۇقىعىندا تۇرعىن ءۇيدىڭ, سونداي-اق قازاقستان رەسپۋبليكاسىنىڭ اۋماعىندا سوڭعى 5 جىل ىشىندە تۇرعىن ءۇي جاعدايىنىڭ ادەيى ناشارلاۋى فاكتىسىنىڭ بولماۋى.
قاتىسۋشىنىڭ الماتى قالاسىندا ەڭ كەمى سوڭعى 6 اي بويى مىندەتتى زەينەتاقى اۋدارىمى بار جۇمىس ءوتىلى بولۋى قاجەت. اتاپ ايتقاندا, دەنساۋلىق ساقتاۋ, ءبىلىم بەرۋ, مادەنيەت, سپورت, جوو-لار جانە عزي, جۋرناليستەر, الەۋمەتتىك سالا, قۇقىق قورعاۋ ورگاندارى, قالالىق كوممۋنالدىق قىزمەتتەر جانە "جۇمىس ىستەيتىن جاستار" باعدارلاماسى بويىنشا جالداۋشىلارى (2019 جىلى جەلتوقسان).