21-22 قاڭتاردا قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى اسقار بەيسەنباەۆ باستاعان قازاقستاندىق پارلامەنتتىك دەلەگاتسيا ىستامبۇلدا يسلام ىنتىماقتاستىعى ۇيىمى پارلامەنتتىك وداعىنىڭ «ءححى عاسىرداعى قاتەرلەرگە جاۋاپ: جاھاندىق بەيبىتشىلىكتى, سوت تورەلىگىن, تۇراقتىلىقتى جانە قاۋىپسىزدىكتى ورنىقتىرۋ» تاقىرىبىنا ارنالعان 10-شى سەسسياسىنا قاتىستى.
يىۇ پارلامەنتتىك فورۋمى اياسىندا قازاقستاندىق دەلەگاتسيا تۇركيانىڭ ۇلى ۇلتتىق جينالىسىنىڭ توراعاسى ج.چيچەكپەن كەزدەسىپ, ەكىجاقتى ىنتىماقتاستىق ماسەلەلەرىن تالقىلادى.
تۇركيامەن ستراتەگيالىق ءارىپتەستىكتىڭ ماڭىزى تۋرالى ايتا كەلىپ, ا.بەيسەنباەۆ قازاقستان-ءتۇركيا ىنتىماقتاستىعىنىڭ ءتۇرلى سالالارداعى قارقىندى دامۋىنا توقتالدى جانە ەكى ەلدىڭ پارلامەنتتەرىندە جۇمىس ىستەيتىن «قازاقستان-تۇركيا» پارلامەنتارالىق دوستىق توبىنىڭ الەۋەتىن جان-جاقتى ورىستەتۋ قاجەتتىگىن اتاپ ءوتتى. كەزدەسۋگە سەناتور ل.تۇرلاشوۆ, سونداي-اق, ءماجىلىس دەپۋتاتى ت.يبراەۆ پەن م.احماديەۆ قاتىستى, دەپ حابارلادى سەناتتىڭ ءباسپاسوز قىزمەتى.