ۇلتتىق ستاتيستيكا بيۋروسى ەلىمىزدەگى اۆتوبۋستاردا جول ءجۇرۋ اقىسى قانشا ەكەنىن مالىمدەدى, دەپ حابارلايدى Egemen.kz.
ماۋسىم ايىنداعى ستاتيستيكالىق مالىمەتتەرگە سايكەس, قالالىق اۆتوبۋسپەن ءجۇرۋدىڭ ەڭ كوپ تاراعان قۇنى 80 تەڭگەنى قۇرايدى. بۇل باعا اقتوبە, اتىراۋ, جەزقازعان, قوناەۆ, سەمەي جانە تالدىقورعان قالالارىندا بەكىتىلگەن.
قالالىق اۆتوبۋسپەن ءجۇرۋدىڭ ەڭ ارزانى شىمكەنت, اقتاۋ جانە تۇركىستان تۇرعىندارى ءۇشىن – 70 تەڭگە.
الماتى, كوكشەتاۋ, قاراعاندى, قوستاناي, ورال, پاۆلودار جانە پەتروپاۆل قالالارىنىڭ تۇرعىندارى قوعامدىق كولىكتە جۇرگەندە 100 تەڭگە تولەيدى.
«ايتا كەتەيىك, اقتاۋ, قوناەۆ جانە تۇركىستان قالالارىنان باسقا ەلدى مەكەندەردە كولىك كارتاسى نەمەسە QR ارقىلى تولەنەتىن مولشەر كورسەتىلگەن», دەپ مالىمدەدى ۇلتتىق ستاتيستيكا بيۋروسى.
بۇعان دەيىن, 1 تامىزدان باستاپ استانادا جول جۇرۋ اقىسى قىمباتتايتىنىن حابارلاعان ەدىك.