22 شىلدەدە قازاقستان اۋماعىندا بولاتىن سينوپتيكالىق جاعداي مەن قاۋىپتى اۋا رايى قۇبىلىسىنىڭ بولجامى جاريالاندى, دەپ حابارلايدى Egemen.kz.
مامانداردىڭ ايتۋىنشا, وڭتۇستىك تسيكلوننىڭ جانە ونىمەن بايلانىستى اتموسفەرالىق فرونتالدى ۋچاسكەلەردىڭ اسەرىنەن رەسپۋبليكانىڭ باسىم بولىگىندە تۇراقسىز اۋا رايى ساقتالادى. سولتۇستىكتە, وڭتۇستىك-باتىستا, شىعىستا نايزاعاي ويناپ, بۇرشاق جاۋىپ, ەكپىندى جەل سوعادى.
قازاقستان رەسپۋبليكاسىنىڭ سولتۇستىگىندە, ورتالىعىندا تۇندە جانە تاڭەرتەڭ تۇمان تۇسەدى. كۇندىز اتىراۋ, الماتى, باتىس قازاقستان وبلىستارىندا, جەتىسۋ وبلىسىندا, اقتوبە وبلىسىنىڭ باتىسى مەن وڭتۇستىگىندە قاتتى ىستىق كۇتىلەدى.
اتىراۋدا, سولتۇستىك-باتىستا, ورتالىقتا, باتىس قازاقستان وبلىسىنىڭ وڭتۇستىك-شىعىسىندا, باتىسىندا, جامبىل وبلىسىنىڭ وڭتۇستىك-شىعىسىندا, اقتوبە وبلىسىنىڭ وڭتۇستىك-باتىسىندا, شىعىس قازاقستان وبلىسىنىڭ وڭتۇستىك-شىعىسىندا, پاۆلودار وبلىسىنىڭ شىعىسىندا, ۇلىتاۋ وبلىسىنىڭ باتىسىندا, اباي وبلىسىنىڭ ورتالىعىندا جوعارى ءورت قاۋپى ساقتالادى.
ماڭعىستاۋ, اتىراۋ وبلىستارىنىڭ وڭتۇستىگىندە, شىعىسىندا, سولتۇستىك-باتىسىندا, قوستاناي وبلىسىنىڭ وڭتۇستىگىندە, تۇركىستان وبلىسىنىڭ ءشولدى ايماقتارىندا, ورتالىقتا, قىزىلوردا وبلىسىنىڭ وڭتۇستىگىندە, باتىس قازاقستان وبلىسىنىڭ باتىسىندا, وڭتۇستىگىندە وتە جوعارى ءورت قاۋپى كۇتىلەدى.