سەنات دەپۋتاتتارى الىبەك ناۋتيەۆ پەن ساعىندىق لۇقپانوۆ اتىراۋ وبلىسىنداعى جىلىوي اۋدانىنىڭ قۇلسارى قالاسىندا سۋ تاسقىنىنان زارداپ شەككەن تۇرعىندارمەن كەزدەسىپ, تابيعات اپاتىنىڭ سالدارىن جويۋ جۇمىستارىمەن تانىستى.
دەپۋتاتتار جەرگىلىكتى اتقارۋشى ورگانداردىڭ زارداپ شەككەن تۇرعىنداردىڭ ماسەلەلەرىن شەشۋ جونىندە جۇرگىزىپ جاتقان جۇمىسى تۋرالى حاباردار بولدى. قازىرگى ۋاقىتتا حالىقتىڭ 60 پايىزعا جۋىعى اقشالاي وتەماقى الدى. 1367 تۇرعىننىڭ جەكە شوتىنا تۇرعىن ءۇي ساتىپ الۋعا قارجى تۇسكەنى تۋرالى ايتىلدى.
ولار قۇلسارى قالاسىنداعى «بولاشاق» شاعىن اۋدانىندا زارداپ شەككەندەرگە سالىنىپ جاتقان 100 تۇرعىن ءۇي قۇرىلىسىنىڭ بارىسىمەن تانىستى. بۇل قۇرىلىسىنا جەرگىلىكتى 8 مەردىگەر ۇيىم جۇمىلدىرىلدى. قازىرگى تاڭدا قۇرىلىس-مونتاج جۇمىستارى جۇرگىزىلىپ, 61 ءۇيدىڭ ىرگەتاسىن قۇيۋ اياقتالدى, 42 ءۇيدىڭ قابىرعاسى قالانىپ, 15 ءۇيدىڭ شاتىرىن جابا باستادى.