الماتىدا تۇندە BMW كولىگىنىڭ جۇرگىزۋشىسى ەكى جاياۋ جۇرگىنشىنى قاعىپ كەتكەن, ولاردىڭ ءبىرى وقيعا ورنىندا كوز جۇمعان, دەپ حابارلايدى Egemen.kz.
جەرگىلىكتى پوليتسيا قىزمەتىنىڭ حابارلاۋىنشا, بۇگىن تۇنگى ساعات ءبىر جارىمدا اۋەزوۆ اۋدانىندا جول-كولىك وقيعاسى بولعان. وقيعا ورنىنان تۇسىرىلگەن ۆيدەو الەۋمەتتىك جەلىلەردە تاراپ كەتكەن.
- BMW كولىگىنىڭ جۇرگىزۋشىسى ساين كوشەسىمەن سولتۇستىك باعىتتا كەلە جاتىپ, Nissan كولىگى مەن سول جاق جولاقتا تۇرعان ەكى جاياۋ جۇرگىنشىنى سوعىپ كەتكەن. اپات سالدارىنان جاياۋ جۇرگىنشىلەردىڭ ءبىرى 48 جاستاعى ەر ادام وقيعا ورنىندا قايتىس بولدى. ادام ولىمىنە اكەپ سوققان جول كولىك فاكتىسى بويىنشا قىلمىستىق ءىس قوزعالدى. ساراپتاما تاعايىندالدى, - دەپ ءتۇسىندىردى قالالىق پوليتسيا دەپارتامەنتىنىڭ ءباسپاسوز قىزمەتى.