وقۋ-اعارتۋ مينيسترلىگى وڭىرلەردە زورلىق-زومبىلىقتان زارداپ شەككەن بالالارعا كومەكتەسەتىن باعدارلاما ەنگىزىلە باستاعانىن حابارلادى, دەپ جازادى Egemen.kz.
باعدارلامانىڭ ماقساتى − زورلىق-زومبىلىققا, قاتىگەزدىككە, بۋللينگكە ۇشىراعان, سونداي-اق قىلمىسقا كۋا بولعان بالالارعا كەشەندى كومەك كورسەتۋ. باعدارلاما بالالاردىڭ ەموتسيالىق, كوگنيتيۆتىك جانە مىنەز-قۇلقىنداعى سالدارلاردى ەڭسەرۋ.
باستاما بالالارعا كومەك كورسەتۋ الگوريتمىن جانە كامەلەتكە تولماعانداردىڭ قاجەتتىلىكتەرىن باعالاۋ نەگىزىندە مەديتسينالىق, پسيحولوگيالىق, پەداگوگيكالىق, الەۋمەتتىك جانە قۇقىقتىق كومەك كورسەتۋ تۇرلەرىنىڭ كەشەنىن قامتيدى. باعدارلاما شەڭبەرىندە بالالار مەن ولاردىڭ اتا-انالارىنا پسيحولوگيالىق كومەك كورسەتۋ بويىنشا بىرىڭعاي ادىستەمەلىك ۇسىنىمدار ازىرلەنگەن. ء«اربىر بالا زورلىق-زومبىلىقتان قورعالۋى ءتيىس. وسى باستامانىڭ قابىلدانۋى مەملەكەت پەن قوعامنىڭ بالا قۇقىعىن قورعاۋ جانە ءاربىر بالانىڭ قاۋىپسىز بالالىق شاعىن قامتاماسىز ەتۋدەگى مىندەتتەمەسىنىڭ كورىنىسى. بۇل باعدارلاما بالالارعا زارداپ سالدارىمەن كۇرەسۋ جانە پسيحولوگيالىق تۇرعىدا قولداۋ جۇيەسىن قۇرۋداعى ماڭىزدى قادام بولىپ تابىلادى», دەدى وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى توراعاسىنىڭ ورىنباسارى يۋليا وۆەچكينا. كومەك كورسەتۋ وبلىستىق دەڭگەيدە پسيحولوگيالىق قولداۋ ورتالىقتارىنىڭ, اۋداندىق دەڭگەيدە ءبىلىم بولىمدەرىنىڭ بازاسىندا ىسكە اسىرىلادى.