كوكشەتاۋدا ەكولوگيا اپتالىعى اياسىندا «تازا بەيسەنبى» اكتسياسى ءوتتى. باستى ماقساتى – قالانى كوگالداندىرۋ, كوشەت وتىرعىزۋ, قورشاعان ورتانىڭ كوركەيۋىنە وزىندىك ۇلەس قوسۋ.
كوكتەمگى قىزىل سۋدىڭ اسەرىنەن ب ۇلىنگەن جەر بۇتىندەلىپ, تازارتىلىپ جاتىر. قازىر قاي تاراپقا قاراساڭ دا ۇقىپتى قولدىڭ تابى انىق بايقالادى. ءبىر جاقسىسى, جەرلەستەرىمىزدىڭ تۋعان تابيعاتقا, وزدەرى تۇرىپ جاتقان سۇيىكتى قالالارىنىڭ كوركىنە دەگەن ىستىق ىقىلاسى ەسەلەنە ءتۇستى.
اكتسيا بارىسىندا بەلسەندى جاستاردىڭ ءىس-قيمىلى ايرىقشا بايقالدى. جاستار قالا تۇرعىندارىمەن بىرلەسە وتىرىپ, 3 توننادان اسا قوقىس شىعاردى. بەلسەندىلەردىڭ بەرىلە ىستەگەن ءىس-قيمىلدارى ارقىلى جاسىل جەلەك جامىلعان وبلىس ورتالىعى وزگەشە كەيىپكە ەنىپ, سۇلۋداي سىلانىپ تۇر. الداعى ۋاقىتتا تابيعات جاناشىرلارى كوكتەمدە قىزىل سۋ جايىلىپ كەتكەن قىلشاقتى وزەنىنىڭ بويىن تازارتپاق. قالانىڭ وسى بولىگىندەگى جەر ۇيلەردى, مەكتەپتى, بالاباقشانى سۋ باسىپ قالعان ەدى. ودان بەرى دە بۇل ايماق ءبىرشاما تازارتىلىپ, ءوڭى كىرىپ قالعان. جىگەرلى جاستار وسى ايماقتى تاعى دا مۇنتازداي ەتىپ تازالاپ شىقپاق.
قالا كوركىنە كوپ-كورىم ۇلەس قوسقان ءىس-شارانى وبلىستىق جاستار رەسۋرستىق ورتالىعى, ۆولونتەرلەردى قورعاۋ ورتالىعى فرونت-كەڭسەسى ۇيىمداستىرىپ, يگى ىسكە ۇيىتقى بولىپ جاتىر.
كوكشەتاۋ