الەۋمەتتىك جەلىدە 17 شىلدە كۇنى تاڭعى ساعات 04:18-دە №32 جولاۋشىلار اۆتوبۋسىنىڭ جۇرگىزۋشىسى كەرى بۇرىلۋ كەزىندە جەكە ءۇيدىڭ قورشاۋىنا كىرىپ, گاز قۇبىرىن بۇزىپ كەتكەنى تۋرالى اقپارات تارادى, دەپ حابارلايدى Egemen.kz.
سونداي-اق ۆيدەو اۆتورى كولىك جۇرگىزۋشىسىنىڭ ماس كۇيدە بولعانىن اتاپ ءوتتى.
الماتى پوليتسيا دەپارتامەنتى تۇركسىب اۋدانىندا قوعامدىق كولىكتەردىڭ قاتىسۋىمەن جول-كولىك وقيعاسى بولعانىن حابارلادى.
«جول كولىك فاكتىسى تىركەلدى, ءتيىستى ساراپتامالار تاعايىندالدى. اپاتتىڭ باسقا جاعدايلارى انىقتالىپ جاتىر», دەدى ۆەدومستۆو وكىلدەرى.
وقيعاعا قوعامدىق كولىككە يەلىك ەتەتىن «الماتىەلەكتروترانس» جشس تۇسىنىكتەمە بەردى.
«بۇل فاكتى تىركەلدى, ءىستىڭ ءمان-جايى انىقتالادى. تەرگەۋ ناتيجەلەرى بويىنشا جۇرگىزۋشىنىڭ كىناسىنىڭ دارەجەسىنە باعا بەرىلەدى», دەپ حابارلادى كومپانيانىڭ ءباسپاسوز قىزمەتى.