جامبىل وبلىستىق كوپسالالى ونكولوگيا جانە حيرۋرگيا ورتالىعىنىڭ دارىگەرلەرى وتا كەزىندە سالماعى التى كەلى بولاتىن قاتەرلى ىسىكتى الىپ تاستاعان. كۇردەلى وپەراتسيا 5 ساعاتقا سوزىلعان. ىسىكتىڭ كولەمى 35 سانتيمەترگە جەتىپ, باۋىردىڭ 90 پايىزىنا جايىلعان, دەپ حابارلايدى Egemen.kz.
مەركى اۋدانىنىڭ 62 جاستاعى تۇرعىنى قايتىمسىز پروتسەستىڭ الدىندا اۋرۋحاناعا تۇسكەن. بۇعان دەيىن ناۋقاس ءىشىنىڭ ۇلعايعانىن, ءجۇرۋ جانە تىنىس الۋىنىڭ قيىنعا سوققانىن بايقاعان. اۋىل تۇرعىنى تۇماۋعا قارسى ەكپە سالدىرۋ كەرەك بولىپ ەمحاناعا بارعاندا ونى شۇعىل تەكسەرۋگە جىبەرگەن.
دارىگەرلەر قويعان دياگنوزدان سوڭ ايەلگە شۇعىل وتا قاجەت بولعان. تاجىريبەلى حيرۋرگتار زاماناۋي قۇرال-جابدىقتاردىقتاردىڭ كومەگىمەن قاتەرلى ىسىكتى الىپ تاستاعان.
ء«بىز ۋاقىتىندا ۇلگەردىك. شىنىمدى ايتسام, ناۋقاس وتە باقىتتى. قازىر مەتاستاز جوق. حيميا المايدى. تەك ماقساتتى تەراپيا الىپ جاتىر. بۇل ەمدەۋدى اۋرۋدىڭ الدىن الۋ ماقساتىندا جۇرگىزىپ جاتىرمىز», دەدى وبلىستىق كوپبەيىندى ونكولوگيا جانە حيرۋرگيا ورتالىعىنىڭ ءبولىم مەڭگەرۋشىسى ەراسىل اراپوۆ.