الماتى قالاسىندا تاعى ءبىر اۆتوبۋس جول اپاتىنا ۇشىرادى, دەپ حابارلايدى Egemen.kz.
الەۋمەتتىك جەلىدە اپات بولعان جەردە تۇسىرىلگەن ۆيدەو تاراپ ءجۇر. كادرلاردا قوعامدىق كولىكتىڭ الدى-ارتىنان قيسايىپ تۇرعانى بەينەلەنگەن. بەينەروليك اۆتورىنىڭ ايتۋىنشا, جول اپاتى ءاشىموۆ پەن شالياپين كوشەلەرىنىڭ قيىلىسىندا بولعان.
قالالىق پوليتسيا دەپارتامەنتى جول اپاتى ساعات 09:15-تە بولعانىن حابارلادى.
«جۇك كولىگىنىڭ جۇرگىزۋشىسى ءاشىموۆ كوشەسىمەن سولتۇستىك باعىتتا, شالياپين كوشەسىنىڭ سولتۇستىگىندە كەلە جاتىپ, ايالداماعا توقتاعان 137-اۆتوبۋسقا سوعىلعان. ينەرتسيا اسەرىنەن اۆتوبۋس جول جيەگىنە شىعىپ كەتىپ, جەكە ءۇيدىڭ قورشاۋىنا سوعىلعان», دەدى پوليتسەيلەر.
اپات سالدارىنان توعىز جولاۋشى زارداپ شەكتى. جول-كولىك وقيعاسىنىڭ ءمان-جايلارى ءالى دە انىقتالىپ جاتىر.