ءحححىىى جازعى وليمپيادا ويىندارىنا ۇلتتىق قۇرامانىڭ العاشقى لەگى الماتىدان اتتانادى, دەپ حابارلايدى Egemen.kz.
سپورتشىلارىمىزدى شىعارىپ سالۋ ءراسىمى 17 شىلدە كۇنى ساعات 11:00-دە, الماتى وبلىسى, قاراساي اۋدانىنداعى وليمپيادالىق دايارلىق ورتالىعىندا وتەدى.
ەستەرىڭىزگە سالايىق, قازىرگى ۋاقىتتا تورتجىلدىقتىڭ باستى دوداسىنا سپورتتىڭ 25 تۇرىنەن 80 جولداما جەڭىپ العان قازاقستان سپورتشىلارى سوڭعى وقۋ-جاتتىعۋ جيىندارىن وتكىزىپ جاتىر.
فرانتسيانىڭ باس شاھارى پاريجدە وتەتىن XXXIII جازعى وليمپيادا ويىندارى 26 شىلدە مەن 11 تامىز ارالىعىندا وتەدى. وعان 205 ەلدەن 10 500 سپورتشى قاتىسادى دەپ جوسپارلانعان. 32 سپورت تۇرىنەن 329 مەدال جيىنتىعى ساراپقا سالىنادى.