الماتىدا ءابىلحان قاستەەۆ اتىنداعى مەملەكەتتىك ونەر مۋزەيىندە ء«داستۇر-حالىق رۋحى. دالا قازىناسى» اتتى كورمە اشىلدى, دەپ حابارلايدى Egemen.kz مادەنيەت جانە اقپارات مينيسترلىگىنىڭ ءباسپاسوز قىزمەتىنە سىلتەمە جاساپ.
كورمەدە 60-تان استام تۋىندى ۇسىنىلعان ەكەن. كەلۋشىلەر ساندىك-قولدانبالى ونەردەگى كاسىبي سۋرەتشىلەردىڭ جۇمىستارىمەن جانە قولونەرشىلەردىڭ ەڭبەكتەرىمەن تانىسا الادى. ولاردىڭ ىشىندە كيىز, توقىلعان جانە كەستەلەنگەن كىلەمدەر, گوبەلەندەر, ات-ابزەلدەرى, اعاش, تەرى, مەتالل شەبەرلەرىنىڭ تۋىندىلارى بار.
تاعى ءبىر تۇتاس ءبولىم قابىرعاعا كەستەلەنگەن تۇسكيىزدەرگە ارنالعان ەكەن. قازىرگى ساندىك-قولدانبالى ونەردىڭ ەڭ كەڭ تارالعان ءتۇرى گوبەلەندەرگە دە ارنالعان جەكە ەكسپوزيتسيا بار. ءىس-شارا 30 تامىزعا دەيىن جالعاسادى.