ۇلتتىق تاسىمالداۋشى استانا-سەمەي, اقتوبە-الماتى, الماتى-شىمكەنت باعىتتارىندا ايەلدەرگە ارنالعان ۆاگونداردى ىسكە قوستى. بۇرىن بۇل ۆاگوندار تەك 8 باعىتتا بولسا, ەندى ولاردىڭ سانى 11-گە دەيىن ارتتى, دەپ حابارلايدى Egemen.kz.
«جولاۋشىلار تاسىمالى» اق ءباسپاسوز قىزمەتى ايەلدەرگە ارنالعان ۆاگوندارمەن جۇرەتىن پويىزدار ءتىزىمىن ۇسىندى. ولار:
- №354/353 «استانا - سەمەي»,
- №24/23 «اقتوبە - الماتى»,
- №25/26 «الماتى - شىمكەنت»,
- №77/78 «الماتى - ماڭعىستاۋ»,
- №351/352 «الماتى - وسكەمەن»,
- №45/46 «پاۆلودار - تۇركىستان»,
- №37/38 «ماڭعىستاۋ - سەمەي»,
- №47/48 «اتىراۋ - استانا»,
- №33/34 «اقتوبە - الماتى-1»,
- №4/3 «استانا - الماتى-2»,
- №71/72 «استانا - شىمكەنت».
بۇل ۆاگوندار العاش رەت 2021 جىلى ايەلدەردىڭ جول ءجۇرۋ كەزىندە جايلىلىعىن ارتتىرۋ ماقساتىندا ەنگىزىلگەن بولاتىن. مۇنداي ۆاگوندارداعى بيلەتتەردىڭ باعاسى قاراپايىم ۆاگوندارداعى بيلەتتەردەن ەرەكشەلەنبەيدى. الايدا ايەلدەرگە ارنالعان ۆاگوندارعا بيلەتتەر تەك ايەلدەرگە ساتىلادى جانە ولارمەن بىرگە جەتى جاسقا دەيىنگى ۇل بالالار عانا ساياحاتتاي الادى. بۇل ۆاگونداردا تەك ايەل جولسەرىكتەر جۇمىس ىستەيدى.
قىزمەت ىسكە قوسىلعان ساتتەن باستاپ, ايەلدەرگە ارنالعان ۆاگوندارعا شامامەن 342 مىڭ ايەل بيلەت ساتىپ العان.
ايەلدەرگە ارنالعان ۆاگوندارى بار پويىزداردىڭ جاڭا باعىتتارىنا بيلەتتەردى bilet.railways.kz سايتىندا جانە تەمىرجول ۆوكزالدارىنداعى «جولاۋشىلار تاسىمالى» اق كاسسالارىندا ساتىپ الۋعا بولادى. بيلەتتەر بولماعان جاعدايدا جولاۋشىلار اقىسىز نەگىزدە «كۇتۋ پاراعى» قىزمەتىن پايدالانا الادى.