ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى جىلدىق 14,25%-عا دەيىن, 25 بازيستىك تارماققا تومەندەتۋ تۋرالى شەشىم قابىلدادى. الەمدەگى ازىق-ت ۇلىك باعاسىنىڭ ءوسۋى مەن رەسەيدە ينفلياتسيانىڭ جەدەلدەۋىنە بايلانىستى سىرتقى ينفلياتسيالىق جاعداي قولايسىزداۋ بولىپ وتىر دەپ مالىمدەيدى ۇلتتىق بانك (ۇب).
ۇلتتىق بانك كەلىپ تۇسەتىن دەرەكتەردى, سونىڭ ىشىندە باعا ءوسۋىنىڭ تۇراقتى بولىگىن جانە جالپى ينفلياتسيانىڭ تارگەتكە جاقىنداۋ تراەكتورياسىن باقىلايدى. باعا ءوسۋىنىڭ باسەڭدەۋ ءۇردىسىن بەكىتۋ ءۇشىن جانە ينفلياتسيا بويىنشا 5%-دىق ماقساتقا قول جەتكىزۋ ءۇشىن اقشا-كرەديت شارتتارى ۇزاق ۋاقىت بويى ۇستامدى قاتاڭ قالپىندا ساقتالادى», دەلىنگەن ۇب حابارلاماسىندا.
جىلدىق ينفلياتسيا 2024 جىلعى ماۋسىم ايىندا 8,4%-عا دەيىن تومەندەدى جانە ۇب بولجامى شەگىندە ولاردىڭ ورتالىق مانىنەن تومەن قالىپتاستى. باعا ءوسۋىنىڭ باياۋلاۋىنا ازىق-تۇلىك تاۋارلارىنىڭ تومەن ينفلياتسياسى, سونداي-اق تاريفتىك رەفورمانى ىسكە اسىرۋ قارقىنىنىڭ باسەڭدەۋى نەگىزگى ۇلەستى قوستى. وسىعان قاراماستان, جىلدىق ينفلياتسيا قۇرامىندا ء«تاريفتى ينۆەستيتسياعا ايىرباستاۋ» باعدارلاماسى جانە نارىقتىق قىزمەتتەردىڭ قىمباتتاۋى اياسىندا اقىلى قىزمەتتەردىڭ باعاسى بارىنشا ءوسىپ كەلەدى.
ۇب دەرەگىنشە, حالىقتىڭ ينفلياتسيالىق كۇتۋلەرى قۇبىلمالى: ولار ساۋىردەگى جوعارى ماندەرىنەن تومەندەدى, الايدا تەڭگە باعامىنىڭ ازداپ السىرەۋىنە بايلانىستى ماۋسىم ايىندا ءبىرشاما ءوستى. بازالىق مولشەرلەمە بويىنشا كەزەكتى جوسپارلى شەشىم 2024 جىلعى 29 تامىزدا جاريالانادى.