ءماجىلىس دەپۋتاتى, «Amanat» پارتياسى فراكتسياسىنىڭ مۇشەسى باقتىقوجا ىزمۇحامبەتوۆ جۇمىس ساپارىمەن اتىراۋ وبلىسىنا بارىپ, وڭىردەگى اسكەري ءبولىم قۇرامىمەن, پوليتسەيلەرمەن, توتەنشە جاعدايلار جونىندەگى دەپارتامەنت قىزمەتكەرلەرىمەن كەزدەستى.
كەزدەسۋ بارىسىندا دەپۋتات اسكەري ءبولىمنىڭ جەكە قۇرامىمەن, ولاردىڭ ماتەريالدىق-تەحنيكالىق جابدىقتالۋىمەن, اسكەري قىزمەتشىلەردىڭ جاعدايىمەن تانىستى. ودان سوڭ ماجىلىسمەن وبلىستىق پوليتسيا دەپارتامەنتىنىڭ قىزمەتكەرلەرىمەن جۇزدەستى. وندا قالا اۋماعىنداعى قوعامدىق ءتارتىپ, تۇرعىنداردىڭ قاۋىپسىزدىگىن قامتاماسىز ەتۋ بويىنشا اتقارىلىپ جاتقان جۇمىستارمەن تانىسىپ, قىزمەتكەرلەردىڭ وي-پىكىرىن تىڭدادى. باقتىقوجا ىزمۇحامبەتوۆ پوليتسيانىڭ قوعامداعى ءرولىن ەسكەرە كەلە ءتارتىپ ساقشىلارىنا دا مەملەكەت تاراپىنان الەۋمەتتىك جانە قۇقىقتىق قولداۋ قاجەت ەكەنىن اتاپ ءوتتى.
– قاۋىپسىز مەملەكەتتى قۇرۋ – مەملەكەتتىك ساياساتتىڭ نەگىزگى ۇستانىمدارىنىڭ ءبىرى. «Amanat» پارتياسىنىڭ سايلاۋالدى باعدارلاماسىنا سايكەس قۇقىق قورعاۋ ورگاندارى قىزمەتكەرلەرىن قۇقىقتىق جانە الەۋمەتتىك قورعاۋدى ارتتىرۋ جونىندە كەشەندى شارا قابىلداۋدى جالعاستىرامىز. پوليتسيا قىزمەتى ءتيىمدى, ەسەپ بەرۋگە مىندەتتى سانالىپ, حالىقتىڭ قاجەتتىلىگىن وتەۋگە ءتيىس. كاسىبيلىك, يماندىلىق پەن ادامگەرشىلىك پوليتسيا قىزمەتكەرىنىڭ ىزگى قاسيەتتەرىنە اينالۋى كەرەك, – دەدى ول.
سونىمەن قاتار ءماجىلىس دەپۋتاتى وڭىردەگى توتەنشە جاعدايلار دەپارتامەنتىنىڭ جەكە قۇرامىمەن كەزدەستى. جيىنعا «اmanat» پارتياسى وبلىستىق فيليالىنىڭ اتقارۋشى حاتشىسىنىڭ ورىنباسارى قۋانتاي بيساليەۆ, وبلىس اكىمىنىڭ ورىنباسارى قايرات نۇرتاەۆ, وبلىستىق ارداگەرلەر كەڭەسىنىڭ توراعاسى مۇرات ۋتەشوۆ, وبلىستىق توتەنشە جاعدايلار دەپارتامەنتىنىڭ باستىعى نۇرلان جاڭاباەۆ, ءماسليحات دەپۋتاتتارى, جاۋاپتى ماماندار جانە دەپارتامەنت قىزمەتكەرلەرى قاتىستى.
جيىن بارىسىندا حالىق قالاۋلىسى №13 مامانداندىرىلعان ءورت ءسوندىرۋ ءبولىمىنىڭ ماتەريالدىق-تەحنيكالىق جابدىقتالۋىمەن تانىستى. كەيىن جەكە قۇراممەن كەزدەسىپ, ولاردى تولعاندىراتىن ماسەلەلەردى تىڭداپ, پارلامەنت قابىرعاسىندا اتقارىلىپ جاتقان جۇمىستار مەن جاڭادان قابىلدانعان زاڭدار تۋرالى اقپارات بەردى. سونداي-اق باسقوسۋدا جەكە قۇرامنىڭ بىلىكتىلىگىن ارتتىرۋعا, جۇمىس جاعدايلارىن جاقسارتۋعا قاتىستى ماسەلەلەر تالقىلاندى.