قارجىلىق مونيتورينگ اگەنتتىگى استانا قالاسىندا "وليمپيادالىق ەمەس تۇرلەر بويىنشا سپورتتى دامىتۋ ديرەكتسياسى" كمم-دا بيۋدجەت قاراجاتىن جۇيەلى تۇردە ۇرلاۋ فاكتىسىن انىقتادى, دەپ حابارلايدى Egemen.kz.
ماسەلەن, 2021-2022 جىلدار كەزەڭىندە قمم لاۋازىمدى تۇلعالارى وقۋ-جاتتىعۋ جيىندارىن وتكىزۋگە بولىنگەن بيۋدجەتتىك قاراجاتتى جىمقىرعان. ءىس جۇزىندە جيىندار وتكىزىلمەدى, جاتتىقتىرۋشىلار سپورتشىلاردىڭ ءجۇرىپ-تۇرۋى جانە تاماقتانۋى تۋرالى جالعان ەسەپ تاپسىرعان. زاڭسىز ارەكەتتەردەن مەملەكەتكە كەلتىرىلگەن زالال سوماسى 40 ملن تەڭگەدەن اسادى.
وسى فاكتى بويىنشا سوتقا دەيىنگى تەرگەۋ جۇرگىزىلىپ جاتىر. كۇدىكتى سوتتىڭ سانكتسياسىمەن قاماۋعا الىندى.
قر قپك 201-بابىنىڭ تالاپتارىنا سايكەس وزگە دە مالىمەتتەر جاريا ەتىلۋگە جاتپايدى.
قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.