ەڭبەك دەمالىسى جىل سايىن قىزمەتكەرلەردىڭ بارلىعىنا بەرىلەدى. دەمالىستى قارجىلىق تۇرعىدا ۇتىمدى ۇيلەستىرۋ ءۇشىن كۇنتىزبەدە مەرەكەلىك داتالار جوق ايدى تاڭداعان ءجون, دەپ جازادى Egemen.kz.
مەرەكەلەرى كوپ ناۋرىز, جەلتوقسان ايىندا دەمالۋ كۇن ەسەبىنەن عانا ءتيىمدى بولادى, ياعني, دەمالىس جانە مەرەكە كۇندەرىمەن قاتارلاستىرىپ از كۇن ەڭبەك دەمالىسىن الساڭىز, جالپى دەمالىس ۋاقىتى ۇزارادى.
ءبيىل ساۋىر, شىلدە جانە قىركۇيەك سياقتى جۇمىس كۇندەرى ەڭ كوپ (22 جۇمىس كۇنى) ايلاردا ەڭبەك دەمالىسىنا شىعۋ - ۇتىمدى شەشىم. بۇل ەڭبەك دەمالىسى مەن جۇمىس ىستەگەن كۇندەردىڭ جالاقىسىن ەسەپتەۋگە بايلانىستى. جالاقى ايداعى جۇمىس كۇندەرىنىڭ سانىنا بولىنەدى جانە جۇمىس ىستەگەن كۇندەرگە كوبەيتىلەدى.
Naryk.kz پورتالىنىڭ دەرەگىنشە, دەمالىس اقىسىن ەسەپتەۋ تەك جۇمىس كۇندەرى ەمەس, كۇنتىزبەلىك كۇندەر نەگىزىندە ەسەپتەلەتىن ورتاشا كۇندىك جالاقىنى قامتيدى.
بۇعان دەيىن «جۇمىس بەرۋشى ەڭبەك دەمالىسىنان شاقىرىپ الۋعا قۇقىلى ما» دەگەن ساۋالعا جاۋاپ بەرگەن ەدىك.