تارازداعى ءدامحانالاردىڭ بىرىندە پروكۋرور كوز جۇمدى

قايعىلى وقيعا 2024 جىلدىڭ 30 ماۋسىمىندا بولعان, بىراق بۇل تۋرالى اقپارات 10 شىلدەدە تاراي باستاعان. پروكۋرور قايتىس بولعان ءدامحانانىڭ اكىمشىلىگى وقيعانىڭ ەگجەي-تەگجەيىن باياندادى.

سول كۇنى نالىگاچەۆ دامحاناعا دوسىمەن بىرگە بارعان ەدى. ولار اسقا تاپسىرىس بەرگەن, بىراق وقيعا داياشى نان سالىنعان ىدىستى اكەلگەننەن كەيىن بولعان.

دوسىنىڭ ايتۋىنشا, اعا پروكۋرور نانعا قاقالىپ قالعان. وعان قوسا ەر ادام وقيعاعا دەيىن 1-2 كۇن بۇرىن ينسۋلتپەن اۋرۋحاناعا تۇسكەنى انىقتالدى. بىراق ءتيىستى ەم شارالارىن قابىلداماي, اۋرۋحانادان شىعىپ كەتكەندى ءجون كورگەن. 

ءدامحانا اكىمشىلىگى پروكۋروردىڭ دوسى العاشقى مەديتسينالىق كومەك كورسەتە الماعانىن العا تارتىپ وتىر. ەر ادام جەدەل جاردەم بريگاداسى كەلگەنگە دەيىن جان تاپسىرعان.  

ايتا كەتەيىك, سەرگەي نالىگاچەۆ 20 جىلدان استام ۋاقىت بويى جامبىل وبلىسىنىڭ پروكۋراتۋراسىندا قىزمەت ەتكەن. 

«ول ۇجىم اراسىندا ۇلكەن قۇرمەتكە يە بولدى», دەيدى مارقۇمنىڭ ارىپتەستەرى.

جامبىل وبلىسىنىڭ پروكۋراتۋراسى سەرگەي نالىگاچەۆتىڭ وتباسى مەن جاقىندارىنا كوڭىل ايتىپ, مورالدىق جانە ماتەريالدىق قولداۋ كورسەتۋگە ۋادە بەردى.