جولدىڭ جايى جاقسارىپ كەلەدى

قىرۋار قارجىنىڭ 15 ملرد تەڭگەسى – رەسپۋبليكالىق بيۋدجەتتەن, 46,4 ملرد تەڭگەسى وبلىستىق بيۋدجەتتەن ءبولىنىپ وتىر. اۋداندىق بيۋدجەتتەن 4,7 ملرد تەڭگە قاراستىرىلعان. وسىلايشا, تىرشىلىكتىڭ كۇرەتامىرى – جول ماسەلەسى وڭ قىرىنان شەشىلىپ, ساپاسى كوپ-كورىم جاقسارىپ قالماق. ويعا العان شارۋا تىڭعىلىقتى اتقارىلىپ, وڭىنان وڭعارىلسا, 500 شاقىرىمنان اسا جول سالىنىپ, بار جولدىڭ كەيبىر تۇسى ءىشىنارا جوندەۋدەن وتكىزىلىپ, تاپ-تۇيناقتاي ەتىلمەك.

– قۇرىلىس-مونتاج جۇمىستارى الدىن الا ەكشەلىپ, تۇزىلگەن باعدارلامالار ارقىلى جۇزەگە اسىرىلادى دەپ كوزدەلىپ وتىر. ءسال تاراتىپ ايتاتىن بولساق, «وب­لىستىق ماڭىزى بار اۆتوموبيل جولدارىن سالۋ جانە جوندەۋ», «استانا قالاسىنا ىرگەلەس قونىستانعان ەلدى مەكەندەردى الەۋمەتتىك-ەكونوميكالىق دامىتۋدىڭ كەشەندى جوس­پارى», «شەتكى ايماقتاردى دامىتۋ», «اۋىل – ەل بەسىگى», «ششۋچە-بۋ­راباي كۋرورت­تى ايماعىن دامىتۋ», «مو­نوقالالاردى دامىتۋ», «كوكشەتاۋ, ستەپ­نوگور ەلدى مە­كەندەرى مەن قالالارىنىڭ كوشە-جول جەلىسى», «اۋداندىق ماڭىزى بار جولداردى سالۋعا جانە جوندەۋگە ترانسفەرتتەر», «جايلى مەكتەپتەرگە كىرمە جولداردى سالۋ» باعدارلامالارى جۇزەگە اسىرىلماق. «وبلىستىق ماڭىزى بار اۆتوموبيل جولدارىن سالۋ مەن جوندەۋ» باعدارلاماسى شەڭبەرىندە جالپى قۇنى 20,4 ملرد تەڭگە بولاتىن 23 جوبانى جۇزەگە اسىرۋ مەجەلەنىپ وتىر, – دەيدى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ۆلاديمير كۋلاكوۆ.

وسى شارۋا تولىق اتقارىلعان كەزدە 100 شاقىرىم جول سالىنىپ جانە جوندەلىپ, ەل يگىلىگىنە جاراتىلادى. كۇردەلى جانە ورتا دەڭگەيدى جوندەۋ جۇمىستارىنا قاتىستى ءىرى جوبالار اۆتوموبيل جولدارىنىڭ ماڭىزدى بولىكتەرىن قامتىماق. ماسەلەن, ششۋچينسك – ستەپنياك – ءۋاليحانوۆ باعىتىنداعى جول توزىعى جەتكەن بولاتىن. جولاۋشىلاردىڭ ارىز-شاعىمى دا كوپتەن بەرى تۋىنداپ كەلدى. باعدارلاما جۇزەگە اسقاننان كەيىن بۇل باعىتتاعى جول تالاپقا ساي بولماق. استانا ماڭىنداعى, اسىرەسە, ونىڭ شىعىس بولىگىندەگى سارىوبا ستانساسى مەن باباتاي – ۆولگودونوۆكا – بەرەكە – بۇلاقساي, نوۆىي كولۋتون – اقكول – ازات – مينسكوە, ششۋچينسك – نيكولاەۆكا – بۋراباي – قاتاركول, قور­عالجىن – ارىقتى – سابىندى, جاقسى – دەرجاۆينسك, ەسىل – سۆوبودنوە – رازدولنوە, جولىمبەت – شورتاندى – پريگورودنوە ءتا­رىزدى باعىتتاعى جولدار جوندەۋدەن وتكى­زىلمەك. بۇل ارادا ەرەكشە ءبىر توقتالا كەتەتىن جاي – استانا ماڭىنداعى ەلدى مەكەندەردىڭ جولدارىنا ايرىقشا نازار اۋدارىپ, تالاپقا ساي ەتۋ.

– اۋداندىق جانە قالالىق اكىمدىكتەر 46,7 ملرد تەڭگە قاراجات ءبولىپ, 116 جوبانى جۇزەگە اسىرۋدى باستاپ كەتتى. جول ساپاسى جول اكتيۆتەرىنىڭ جايىن قاداعالايتىن ۇلتتىق ورتالىقتىڭ باقىلاۋىندا بولماق. سوڭعى ۋاقىتتا سالىنعان جولدىڭ ساپاسى تۋرالى وكپە-رەنىشتىڭ دە ايتىلىپ قالاتىنى بار. بولىنگەن قارجىنىڭ ءار تيىنى ءتيىمدى جۇمسالىپ, رەتىمەن اتقارىلۋى, ەڭ باستىسى, جول ساپاسىنىڭ تالاپقا ساي بولۋى باس­تى نازاردا بولماق. بۇل ورايدا مەملەكەت باسشىسى قاسىم-جومارت توقاەۆتىڭ جول سالاسىنداعى جەمقورلىقتى جويۋ تۋرالى تاپسىرماسى مۇلتىكسىز جۇزەگە اسىرىلماق. كولىك مينيسترلىگى مەن جەرگىلىكتى اتقارۋشى ورگاندار جەمقورلىققا جول بەرمەۋ جايىن مۇقيات قاداعالاپ, جول ساپاسىنىڭ ءمىنسىز اتقارىلۋىن باستى نازارعا الىپ وتىر. بۇگىندە وبلىس اكىمدىگى مەن جەمقورلىققا قارسى كۇرەس دەپارتامەنتى ساراپتامالىق تالداۋ جاساۋ باعىتىندا بىرلەسكەن بۇيرىق شىعارعان. بارلىق جۇمىس, ىنتا-جىگەر ساپالى ىسكە باعىتتالماق. قازىرگى كۇنى بۇل جۇمىس باستالىپ تا كەتتى, – دەيدى باسقارما باسشىسى.

جول جايىن جاقسارتۋ ماسەلەسى ءبىلىم وشاقتارىنىڭ, ونىڭ ىشىندە, اسىرەسە «جايلى مەكتەپ» ۇلتتىق جوباسىن جۇزەگە اسىرۋعا دا قاتىستى. 2024-2025 جىلدارى 15 ءبىلىم وشاعى سالىنباق. وسى جىلى كوكشەتاۋ قالاسى مەن تسەلينوگراد اۋدانىندا 9 مەكتەپ, سونداي-اق ارشالى, بۋراباي, تسەلينوگراد, شورتاندى اۋداندارىندا دا 9 مەكتەپ پايدالانۋعا بەرىلەدى دەپ كۇتىلىپ وتىر. «جايلى مەكتەپتەرگە» قاتىناۋ جولى دا جايلى بولماق.

سالاعا سەرپىن بەرۋ ءۇشىن اسقارالى مىندەت جۇكتەلىپ وتىرعانىمەن, شەشىمىن كۇتكەن ماسەلەلەر دە بار. رەسپۋبليكالىق جانە جەرگىلىكتى بيۋدجەت قاراجاتىنىڭ جەتىمسىزدىگىنەن كەيبىر جوبالار جەتكىلىكتى دەڭگەيدە قارجىلاندىرىلماي وتىر. بۇگىندە وبلىستا جالپى قۇنى 200 ملرد تەڭگە بولاتىن جوبالار دايىندالعان. بۇل جوبالاردىڭ اياقتالۋى بىرنەشە جىلعا سوزىلۋى مۇمكىن. مىنە, سوندىقتان جاڭا جوبالاردى ءسال تەجەي وتىرىپ, قاراپايىم تىلمەن ايتقاندا, كورپەگە قاراي كوسىلۋ ويلاستىرىلىپ جاتىر.

كوكتەمگى قىزىل سۋ جۇرگەن كەزدە ءوڭىردىڭ بىرقاتار جولدارى ءىشىنارا بۇزىلدى. ونىڭ ىشىندە رەسپۋبليكالىق جانە جەرگىلىكتى ماڭىزداعى جولدار دا بار. كەيىن ماسەلەنى ەگجەي-تەگجەي تەكسەرىپ, ەسەپتەي كەلگەن كەزدە قىرىققا جۋىق اۆتوموبيل جولدارىنىڭ كەي تۇستارى ب ۇلىنگەندىگى انىقتالدى. ناقتىراق ايتاتىن بولساق, سۋ شايىپ كەتكەن جولداردىڭ ۇزىندىعى 20 شاقىرىم شاماسىندا. ءۇش كوپىر بۇزىلدى. جولبولدى وزەنىنىڭ بويىنداعى جالتىر – ماكينسك باعىتىنىڭ جەتپىسىنشى شاقىرىمىنداعى كوپىر, قيما – تەرىساققان باعىتىنداعى كوپىر جانە كوكشەتاۋ قالاسىنداعى بايكەن ءاشىموۆ كوشەسىنىڭ بويىنداعى كوپىر ءب ۇلىندى. اقمول – نۇرەسىل – تالاپكەر باعىتىندا جاڭا كوپىر سالىنۋى كەرەك. كوكتەمگى سۋ تاسقىنى كەزىندە ءوڭىردىڭ 38 ەلدى مەكەنمەن جول قاتىناسى ءۇزىلدى. بۇگىندە بارلىق ەلدى مەكەندەگى كولىك قاتىناسى قالپىنا كەلتىرىلدى. ايتسە دە 20 جول ۋچاسكەسىن ءىشىنارا جوندەۋ قاجەت. جول قاتىناسىن تولىق قالپىنا كەلتىرۋ ءۇشىن قوسىمشا قارجى قاراستىرىلماق. وبلىس اكىمدىگى كولىك مينيسترلىگىنە ۇكىمەت قورىنان 4,8 ملرد تەڭگە ءبولۋ تۋرالى بيۋدجەتتىك ءوتىنىم بەرىپ وتىر. بۇل قارجىعا استراحان, اتباسار, ءبىرجان سال, بۇلاندى, ەسىل, جارقايىڭ, جاقسى, ساندىقتاۋ جانە تسەلينوگراد اۋداندارىندا 18 جوبا جۇزەگە اسىرىلماق.

بار شارۋا ۋاقتىلى جانە تىڭعىلىقتى جۇزەگە اسىرىلعان كەزدە تىرشىلىكتىڭ كۇرە تامىرى قالپىمەن سوقپاق.

اقمولا وبلىسى