اقمولا وبلىسى كوكشەتاۋ قالاسىندا سۋ تاسقىنى سالدارىن جويۋعا جانە زارداپ شەككەن وتباسىلارعا كومەك كورسەتۋگە باعىتتالعان بەلسەندى جۇمىستار ءالى دە جالعاسىپ جاتىر, دەپ حابارلايدى Egemen.kz.
باستى ماقسات – ۇيلەرى تۇرۋعا جارامسىز بولىپ قالعان بارلىق ازاماتتى تۇرعىن ۇيمەن قامتاماسىز ەتۋ. سوڭعى ەكى ايدا 90-عا جۋىق وتباسى جاڭا پاتەرگە يە بولعان.
ايتا كەتەيىك, استانا كۇنى قارساڭىندا كوكشەتاۋ قالاسىندا سۋ تاسقىنىنان زارداپ شەككەن 7 وتباسى باسپانالى بولعان ەدى. سونىمەن قاتار 26 كوپبالالى انا دا جاڭا تۇرعىن ءۇيدىڭ يەگەرى اتانعان.
م ۇلىكتى وتەۋمەن قاتار, ولاردى قاۋىپسىز ايماقتارعا كوشىرۋ بويىنشا جۇمىستار جۇرگىزىلىپ جاتىر. بۇل ماقساتتا اتباساردا ەكى 100 پاتەرلى تۇرعىن ءۇيدىڭ قۇرىلىسى اياقتالىپ, تاعى ءبىر ءۇيدىڭ قۇرىلىسى ءجۇرىپ جاتىر. سونىمەن قاتار بۇلاندى, جارقايىڭ جانە ەسىل اۋداندارىندا جەتى جەكە ءۇي سالىنىپ جاتىر. بۇلاندى اۋدانىندا تاعى 58 ءۇيدىڭ قۇرىلىسى وسى ايدا باستالادى.
قر ونەركاسىپ جانە قۇرىلىس مينيسترلىگىنىڭ احۋالدىق ورتالىعى مالىمدەگەندەي, اقمولا وبلىسىندا بارلىعى 1 265 نىساندا تەحنيكالىق زەرتتەۋ جۇرگىزىلىپ, ونىڭ ناتيجەلەرى بويىنشا كەلەسى شارالار جوسپارلانعان:
331 تۇرعىن ءۇي سالۋ – 273-ءى باستالعان; 220 تۇرعىن ءۇي ساتىپ الۋ – 216 ءۇي ساتىپ الىنعان; 714 تۇرعىن ۇيگە جوندەۋ جۇمىستارىن جۇرگىزۋ.