جازدىڭ اپتاپ ىستىعىندا تاعام راتسيونىنا جەتە ءمان بەرگەن دۇرىس. ماماندار كەي تاعامدار جىلدىڭ وسى مەزگىلىندە جۇرەك, قان تامىرلارىنا ارتىق جۇكتەمە تۇسىرەتىن تاعامدار بار ەكەنىن ەسكەرتەدى. سوندىقتان بۇل تاعامداردى مازىردەن تولىق الىپ نە تۇتىنۋ كولەمىن ازايتقان ابزال, دەپ جازادى Egemen.kz.
ديەتولوگتار ىستىق كۇندەرى قىزىل ەتتى راتسيوننان الىپ تاستاۋعا نە از تۇتىنۋعا كەڭەس بەرەدى. سەبەبى ەت قورىتىلۋ پروتسەسى كۇردەلى تاعام ءتۇرى.
بۇل قاتاردا قۋىرىلعان تاعامدار دا بار. ماماندار اس ازىرلەۋدە بۇقتىرۋ, قايناتۋ, بۋعا ءپىسىرۋ سىندى ادىستەردى ءجيى قولدانۋعا كەڭەس بەرەدى. اتالعان ادىستەر, اعزادا تەز قورىتىلۋمەن قاتار, تاعامنىڭ نارلىك قۇرامىندا ساقتايدى.
جازدا قانت قوسىلعان تاتتىلەردى دە تۇتىنباعان ءجون. ويتكەنى ءداستۇرلى تاتتىلەردىڭ قۇرامىندا تازارتىلعان قانت, اق ۇن جانە ماي كرەمى بولادى. بۇل ينگرەديەنتتەر اسقازان-ىشەك جولدارىنىڭ جۇمىسىنا ارتىق سالماق تۇسىرەدى.
شوكولاد, ءتاتتى ءبالىش سىندى تىسكەباسارلاردى كەپتىرىلگەن جەمىستەرگە الماستىرۋ قۇپتالادى.
بالعىن جەمىستەردەن جاسالعان تابيعي شىرىندى دا كوپ ىشۋگە كەڭەس بەرىلمەيدى. ويتكەنى وسى ادىسپەن دايىندالعان شىرىن قۇرامىندا دا شامادان تىس قانت بولۋى عاجاپ ەمەس.
جازدا جەمىستى شىرىنعا قاراعاندا كوكونىستەن جاسالعان سۋسىندار ەداۋىر پايدالى.
كوفەنى دە تاۋلىگىنە ءبىر قۇتىدان ارتىق ىشپەگەن دۇرىس. جازدا كوفەنى كوپ تۇتىنۋ اعزادا سۋ تاپشىلىعىن تۋدىرادى.
ونىڭ ورنىن ماتچا, تازا سۋ ت.ب. الماستىرۋ ۇسىنىلادى.