سۇلۋ جارىمدى كەزدەتىردىم: باعدات مۋسين استاناعا قالاي كەلگەنىن ەسىنە الدى

- ەسكە السام, 20 جىل بۇرىن, 21 جاسىمدا وقۋ ءبىتىرىپ استاناعا كەلدىم. اكەم جالعىز ءوزى ءبىر كومناتالىق پاتەردە تۇرعان ەدى. سوندا اكەم: «قاسىما كەل, ۇلكەن جوبالار بار, بۇل قالادا جاڭا سەرپىن بار, قازىر كەلىپ جۇمىسقا ىلىكسەڭ جاقسى بولادى», - دەپ ءوز وسيەتىن ايتقان ەدى. ول كەزدە ءوزىم الماتىدا ۆەب-سايتتار جاساپ ءبىر İT-كومپانيادا جۇمىس ىستەپ جۇرگەن بولاتىنمىن.

بىراق اكە ءسوزىن جەرگە تاستامايىن, ءبىر جىل بولسىن جانىنا بارايىن دەپ بەل بۋدىم. سودان بەرى ەلوردامەن بىرگە 20 جىل زىمىراپ ءوتىپتى. بۇل قالا سول كەزدە كەلگەن جاستاردىڭ كوبىنە جولدارى اشىلعانىمەن ەستە قالاتىن سياقتى, - دەيدى ەكس-شەنەۋنىك.

ول وسى قالادا سۇلۋ جارىن كەزدەستىرگەنىن اتاپ وتەدى. بىرىنەن سوڭ ءبىرى 5 بالاپانى دۇنيەگە كەلگەن.

- ءىرى جوبالار بولسىن, جۇمىس بولسىن قورىقپاي, بىلەك سىبانا اتقاردىق. قاتەلەرى كۇندەر دە بولدى, جەڭىستى دە جەمىستى كۇندەر دە بولدى. جۇمىس بولعان سوڭ سولاي بولادى. ەشنارسە ىستەمەيتىندەر عانا قاتەلەسپەيدى.

استاناعا ۇمىتتەنىپ, ارمان قۋىپ كەلگەن ءاربىر جانعا, جاس ستۋدەنتتەرگە, جاس ماماندارعا اللا تاعالادان باق-بەرەكە تىلەيمىن. بارشاڭىزدى استانا كۇنىمەن قۇتتىقتايمىن!

كەڭەس: اكەلەرىڭىزدى تىڭداساڭىزدار جامان بولمايسىزدار, - دەپ جازدى باعدات مۋسين.