سەناتورلار سوۆەتبەك مەدەباەۆ پەن سەرىك شايداروۆ ۇلىتاۋ وبلىسىنىڭ تۇرعىندارىمەن كەزدەسىپ, وڭىردەگى وزەكتى ماسەلەلەردى تالقىلادى. ولار كەزدەسۋ بارىسىندا پارلامەنت سەناتى دەپۋتاتتارىنىڭ وتكەن سەسسياداعى زاڭ شىعارۋ قىزمەتىنىڭ قورىتىندىسى تۋرالى اۋىل تۇرعىندارىنا ايتىپ بەردى.
سەناتورلار سونداي-اق قوعام قايراتكەرلەرىمەن جانە ءماسليحات دەپۋتاتتارىمەن كەزدەسىپ, ءوڭىر تۇرعىندارىن تولعاندىراتىن وزەكتى ماسەلەلەردى شەشۋ تۋرالى پىكىرلەرىمەن ءبولىستى. تالقىلاۋ زاڭ شىعارۋدان باستاپ, ايماقتىڭ ناقتى ماسەلەلەرىنە دەيىنگى تاقىرىپتار اۋقىمىن قامتىدى.
سەناتورلار سونىمەن قاتار ساپالى اۋىزسۋمەن جابدىقتاۋدى قامتاماسىز ەتۋ ماقساتىندا جاڭا تەحنولوگيالاردى ەنگىزۋ جوسپارلانىپ وتىرعان جەزقازعان قالاسىنداعى اۋىزسۋ تازارتۋ-شارۋاشىلىق قۇرىلىسىن جاڭعىرتۋ جوباسىمەن دە تانىستى.
«جەزقازعاننىڭ جاڭا باتىس اۋدانىنا ماگيسترالدىق جىلۋ جەلىسىن سالۋعا, ءۇيتاس-ايدوس سۋ قۇبىرىن سالۋعا جەرگىلىكتى اتقارۋشى ورگاندار ەرەكشە نازار اۋدارۋ قاجەت. بۇل جوبالار وبلىس ورتالىعىنىڭ تۇرعىندارىن سۋمەن قامتاماسىز ەتۋ, جىلۋمەن جابدىقتاۋ ساپاسىن جاقسارتۋعا ءتيىس», دەدى سەناتور سوۆەتبەك مەدەباەۆ.
پارلامەنتشىلەر ۇلىتاۋ اۋدانىندا بولىپ, سۋ تاسقىنىنان زارداپ شەككەن وتباسىلارعا ارنالىپ سالىنىپ جاتقان جەزدى كەنتىندەگى ۇيلەر قۇرىلىسىمەن تانىستى. سەناتورلار قۇرىلىستىڭ قارقىنى مەن ساپاسىنا ەڭ الدىمەن تۇرعىنداردىڭ وزدەرى ريزا بولۋى ماڭىزدى ەكەنىن اتاپ ءوتتى.