رەسەيدىڭ شايبالى حوككەيدەن چەمپيوناتىنا قاتىساتىن ماگنيتوگورسكىنىڭ «مەتاللۋرگ» كلۋبى بيىلعى ساۋىردە «گاگارين» كۋبوگىنىڭ يەگەرى اتانعان ەدى. قالىپتاسقان ءداستۇر بويىنشا كوماندا ويىنشىلارى كۋبوكتى وزدەرىنىڭ تۋعان جەرلەرىنە اپارىپ تانىستىرادى. «مەتاللرۋگتىڭ» ەكى ويىنشىسى «گاگارين» كۋبوگىن كوتەرىپ ۇلىتاۋ وبلىسىنا كەلدى. ويتكەنى...
كوماندانىڭ ەكى ويىنشىسى ساتباەۆ قالاسى حوككەي مەكتەبىنىڭ تۇلەكتەرى. ولار – ۆالەري ورەحوۆ پەن نيكيتا ميحايليس. كەزىندە «قازاقمىس» كورپوراتسياسىنىڭ كومانداسىندا شىڭدالعان ولار كەيىن ەلىمىزدىڭ ۇلتتىق قۇراماسىندا الەم چەمپيوناتىنا قاتىسقان ەدى. شەتتە جۇرسە دە تۋعان ەلدىڭ ابىرويىن اسقاقتاتىپ جۇرگەن قوس ويىنشىنى ۇلىتاۋلىقتار جىلى قارسى الدى. وبلىس باسشىلىعىندا ارنايى قابىلداۋ وتكىزىلدى.
ۆالەري مەن نيكيتا جەزقازعان قالاسىنداعى م.ق ۇلىشەۆا اتىنداعى بالالاردى قولداۋ ورتالىعىندا بولدى, قالانىڭ ورتالىق ستاديونىندا سپورتسۇيەر قاۋىممەن جۇزدەستى.
«قوس ويىنشىنىڭ قول جەتكەن جەتىستىكتەرى ءۇشىن قۋانىشتىمىز. ولاردىڭ سپورت جولىنداعى تابىستارى كەيىنگى جاسوسپىرىمدەرگە تاماشا ۇلگى بولدى», دەيدى « ۇلىتاۋ وبلىسىنىڭ جوعارى سپورت شەبەرلىگى مەكتەبى» كمم باسشىسى سايات بالماعانبەتوۆ.
ۇلىتاۋ وبلىسى