اقمولا وبلىسىندا ءۇش بالا تاربيەلەپ وتىرعان شاڭىراق تاعى ءۇش نارەستەنىڭ ىڭگالاعان داۋىسىمەن نۇرلانىپ, ءومىردىڭ بازارىنا اينالدى.
كوپبالالى انا ماقپال ءجۇنىسوۆا جارىمەن بىرگە زەرەندى اۋدانىنىڭ گرانيتنىي ەلدى مەكەنىندە تۇرادى. دارىگەرلەردىڭ ايتۋىنا قاراعاندا, انا مەن سابيلەردىڭ جاعدايى جاقسى. ارنايى بولمەدە تىنىعۋدا. مەديتسينا قىزمەتكەرلەرى نارەستەلەردى كۇتۋگە قولۇشىن بەرىپ, كومەكتەسەدى.
– وپەراتسيا قىرىق مينۋتقا سوزىلدى. ەشقانداي اۋىتقۋ بولعان جوق, – دەيدى كوپسالالى وبلىستىق اۋرۋحانانىڭ پەريناتالدىق ورتالىعىنىڭ اكۋشەر گينەكولوگى انگەلينا كورنيلوۆا, – بارلىق تەكسەرۋ مەن اقىل-كەڭەس جۇرگىزىلۋدە.
وبلىستا ۇشەم سوڭعى رەت 2022 جىلى دۇنيەگە كەلگەن ەكەن. ءسوز اراسىندا 2024 جىلدىڭ العاشقى بەس ايىندا وڭىردە
4 449 نارەستە دۇنيەگە كەلسە, ولاردىڭ 36-ى ەگىز, كوكشە جۇرتىن قۋانىشقا بولەگەن ءدال وسىنداي وقيعا كوپتەن بەرى بولماعان ەكەن. ماقپال قازىر ءبىر ۇل, ەكى قىزدى تاڭعى شىقتاي مولدىرەگەن انالىق اق ماحابباتىمەن الپەشتەپ وتىرىپ, وتباسىنداعى ءۇش پەرزەنتىنىڭ دە جايىن ويلاپ قويادى. انا كوڭىلى وسىنداي ىزگىلىگىمەن ىستىق ەمەس پە!
اقمولا وبلىسى