*ەلىمىزدە اي-92 ماركالى بەنزيندى ىشكى تۇتىنۋ كولەمى 2,9 ملن. توننانى قۇرادى. ەنەرگەتيكا مينيسترلىگىنىڭ دەرەكتەرىنە سۇيەنسەك, وتكەن جىلى پاۆلودار مۇناي-حيميالىق جانە اتىراۋ, شىمكەنت مۇناي وڭدەۋ زاۋىتتارىندا شامامەن 1,9 ملن. توننا اي-92 ماركالى بەنزين, 4,1 ملن. توننا ديزەل وتىنى وندىرىلگەن.
*الماتى وبلىسىندا ءسۇت فەرماسى ىسكە قوسىلدى. ونىڭ اشىلۋ راسىمىنە ايماق باسشىسى اماندىق باتالوۆ قاتىستى. قاراساي اۋدانىندا ورنالاسقان بۇل ءوندىرىس ورنى 750 باس ءىرى قارا مالىن ۇستاۋعا شامالانعان. مۇندا جىلىنا 6 مىڭ ليتر تاۋارلى ءسۇت ءوندىرۋ جوسپارلانىپ وتىر.
*سوزاق اۋدانىندا مال بورداقىلاۋ ءىسىن كاسىپكە اينالدىرۋعا باسىمدىق بەرىلىپ كەلەدى. وڭتۇستىك قازاقستان وبلىستىق اكىمدىگىنىڭ ءباسپاسوز قىزمەتى حابارلاعانداي, بىلتىر اۋداندا 8,5 ملرد. تەڭگەنىڭ اۋىلشارۋاشىلىق ونىمدەرى نارىققا شىعارىلعان.
*اقمولادا 2014 جىلى نەگىزگى كاپيتالعا سالىنعان ينۆەستيتسيالاردىڭ كولەمى 181 141,6 ملن. تەڭگە بولدى. وبلىستىق ستاتيستيكا دەپارتامەنتىنىڭ ءباسپاسوز قىزمەتى كەلتىرگەن مالىمەتتەرگە قاراعاندا, بۇل – وتكەن جىلدىڭ دەنگەيىنەن 22,3 پايىزعا ارتىق. ايتا كەتەيىك, ايماقتا ينۆەستيتسيالىق قارجىلاردىڭ 20,4 پايىزى وڭدەۋ ونەركاسىبىنە باعىتتالعان.
*باتىس قازاقستاننىڭ بيۋدجەتى 118 ملرد. تەڭگەگە جەتتى. وبلىستىق قارجى باسقارماسىنىڭ مالىمەتىنشە, مۇنىڭ 113,3 ملرد. تەڭگەسى كىرىس بولىپ تابىلادى. سونداي-اق, رەسپۋبليكالىق بيۋدجەتتەن وتكەن جىلى 3,5 ملرد. تەڭگە زايمدىق قارجى ءتۇسىپ, ول مەملەكەتتىك باعدارلامالاردى جۇزەگە اسىرۋعا جانە اۋىلداعى مامانداردى الەۋمەتتىك قولداۋعا جۇمسالدى.
*بىلتىر سولتۇستىك قازاقستاننىڭ كارديولوگيالىق ورتالىعىندا جۇرەككە 255 وتا جاسالدى. اتاپ ءوتۋ كەرەك, كارديوورتالىق جىل سايىن مەديتسينالىق قوندىرعىمەن جاڭارتىلىپ وتىرادى. ءوتكەن جىلى بۇل باعىتقا رەسپۋبليكالىق بيۋدجەتتەن 29 ملن. تەڭگە جانە وبلىستىق قازىنادان 52 ملن. تەڭگە قارالدى.
حابارلار ۇكىمەت, وبلىستىق اكىمدىكتەر سايتتارى مەن «قازاقپارات» دەرەكتەرى بويىنشا دايىندالدى.