وقيعا كوشەدە تۇرعان بەينەباقىلاۋ كامەرالارىنىڭ بىرىنە ءتۇسىپ قالعان, دەپ حابارلايدى Egemen.kz.
بەينەجازبادان كوشەدە ءجۇرىپ كەلە جاتقان كولىككە سوعىلعان موپەدتى بايقاۋعا بولادى. اۆتوكولىك جۇرگىزۋشىسى كولىكتەن شىعىپ, زارداپ شەككەن ادامعا كومەك كورسەتۋگە تىرىسقان.
الماتى قالاسىنىڭ پوليتسيا دەپارتامەنتى جول-كولىك وقيعاسى 17 ماۋسىمدا بولعانىن ناقتىلادى.
«بەحتەرەۆ پەن اۆياتسكايا كوشەلەرىنىڭ قيىلىسىندا موپەد جۇرگىزۋشىسى كەنەتتەن Mitsubishi ماركالى اۆتوكولىككە سوعىلعان. اپات سالدارىنان موپەد تىزگىندەگەن 14 جاستاعى ءجاسوسپىرىم زارداپ شەگىپ, دەنە جاراقاتتارىمەن اۋرۋحاناعا جەتكىزىلگەن. اتالعان فاكتىنى تۇركسىب اۋدانى پوليتسيا باسقارماسىنىڭ قىزمەتكەرلەرى تىركەپ, ءتيىستى تەرگەۋ امالدارىن جۇرگىزىپ جاتىر», دەلىنگەن دەپارتامەنت حابارلاماسىندا.