بقو-دا تۇرعىننىڭ سەيف ۇرلاپ جاتقان ءساتى ۆيدەوعا ءتۇسىپ قالعان, دەپ حابارلايدى Egemen.kz Polisia.kz سايتىنا سىلتەمە جاساپ.
پوليتسەيلەردىڭ مالىمەتىنشە, 29 ماۋسىمعا قاراعان ءتۇنى قالا ورتالىعىندا ورنالاسقان كەڭسەلەردىڭ بىرىنە بەلگىسىز بىرەۋ كىرىپ, ىشىندە ميلليون تەڭگەگە جۋىق اقشاسى بار تەمىر سەيفتى ۇرلاپ كەتكەن. جەدەل ىزدەستىرۋ شارالارىنىڭ ناتيجەسىندە وسى قىلمىسقا قاتىسى بار 26 جاستاعى وبلىس تۇرعىنى ۇستالدى. كۇدىكتى ۋاقىتشا ۇستاۋ يزولياتورىنا قامالىپ, ۇرلانعان سەيف تاركىلەنگەن. قىلمىستىق ءىس قوزعالىپ, تەرگەۋ ءجۇرىپ جاتىر.
ايتا كەتەرلىگى وبلىستىڭ جەدەل ۋاكىلدەرى, جىل باسىنان بەرى بوتەننىڭ مۇلكىن ۇرلاۋ بويىنشا قىلمىستاردى اشۋدا جاقسى ناتيجە كورسەتىپ وتىر. 6 اي ىشىندە وسىنداي 491 قىلمىس تىركەلسە, ونىڭ 79,3%-ى اشىلعان.