شاھار شىرايى – تۇرعىندار ەڭبەگى

سونىمەن قاتار جالپىعا بىردەي قا­لالىق تازالىق ناۋقانىنا 1 286 ون­دى­رىستىك, كاسىپكەرلىك, 681 الەۋمەتتىك مەكەمە قىزمەتكەرلەرى اتسالىستى. تا­زا­لىق جۇمىستارىنا قوسىمشا 7 691 دانا تەحنيكا جۇمىلدىرىلدى. قالا­داعى بەس اۋماقتىق-اكىمشىلىك – ءال-فارابي, ەڭبەكشى, تۇران, قاراتاۋ, اباي اۋداندارى اۋماعىنان 8 مىڭعا جۋىق توننا تۇرمىستىق قالدىق شىعارىلدى. بۇعان قوسا اعاشتار مەن بۇتالاردى اكتەۋ, سانيتارلىق كەسۋ جۇمىستارى جۇرگىزىلىپ, جاڭادان اعاش كوشەتتەرى ەگىلدى. قالالىق جايلى ورتانى دامى­تۋ باسقارماسى ماماندارىنىڭ ايتۋىنشا, تال كوشەتتەرىن ەگۋ, سانيتار­لىق تازالاۋ جۇمىستارى شاھاردا كۇزگە دەيىن جالعاسادى.

ال قازىرگى ۋاقىتتا شىمكەنتتەگى اۋماقتاردى كوگالداندىرۋ مەن اباتتاندىرۋ جۇمىستارى قولعا الىنىپ جاتىر. «تازا قازاقستان» ەكولوگيالىق اكتسياسى اياسىنداعى ىلكىمدى ىستەر قالادا جىل سوڭىنا دەيىن اتقارىلادى. وسىعان سايكەس جەرگىلىكتى اتقارۋشى بيلىك اكتسيانى ۇيىمداستىرۋدىڭ كەستەسى مەن ءىس-شارالار وتكىزۋ جوسپارىن بەكىتتى. بۇگىنگى تاڭدا قالا اۋماعىندا تازالىق جۇمىستارى اتالعان جوسپار اياسىندا كۇندەلىكتى اتقارىلىپ جاتىر.

وتكەن سەنبىلىككە قالادان 2 مىڭنان اسا جۇمىسشى قاتىستى. ولارعا كومەككە 150 ارنايى تەحنيكا جۇمىلدىرىلدى. شاھار تۇرعىندارىنىڭ ىشىندە ارداگەرلەر, زيالى قاۋىم وكىلدەرى, قوعام بەلسەندىلەرى, ءتۇرلى مەكەمە قىزمەت­كەرلەرى, ەرىكتى جاستار جاسى مەن بەدە­لىنە, قىزمەتىنە قاراماي تازالىق جۇ­مىس­تارىنا بەلسەنە اتسالىسىپ جاتىر.

جوعارىدا اتالعان باسقارما ما­مان­دارىنىڭ مالىمدەۋىنشە, اكىم­دىك قالا اۋماعىنداعى كوشەلەردى 3 سا­­نات­قا ءبولىپ, جاز ايلارىندا ەكى اۋى­سىم­نان ءۇش اۋىسىمعا اۋىستىرۋ (I اۋىسىم

06:00–12:00, II اۋىسىم 12:00–18:00, III اۋىسىم 18:00–00:00) ارقىلى ساني­تارلىق تازالاۋ جۇمىستارىن كۇ­شەيتكەن. سونداي-اق اۋا رايىنىڭ جا­ۋىن-شاشىن كۇن­دەرى جەكەلەگەن جەر­لەردە سۋ جينالۋىن بولدىرماۋ ماق­ساتىندا ءار اۋداننان 20 ادامنان قۇرالعان يرريگاتسيالىق تازالاۋ توپتارى قالا اۋماعىنداعى ير­ري­گاتسيالىق جۇيەلەردىڭ جاي-كۇ­يىنە زەردەلەۋ جۇمىستارىن تۇراقتى نە­گىزدە جۇرگىزىپ كەلەدى. ءوز كەزەگىندە مەملەكەتتىك-جەكەشەلىك ارىپتەستىك اياسىندا مەردىگەر مەكەمەلەر تاراپىنان دا كوشەلەردى تازالاۋعا 50 ادامنان تۇراتىن بريگادالار قۇرىلدى. ولار حالىق كوپ جۇرەتىن قوعامدىق ورىندار مەن ايالدامالاردى, جول جيەكتەرى­نىڭ تازالىعىن تۇراقتى قامتاماسىز ەتۋ جۇمىستارىن كۇندەلىكتى اتقارىپ وتىر.

– بۇگىنگى تاڭدا مەردىگەر مەكەمە­لەر قالا اۋماعىنداعى قىلقان جاپى­راق­تى اعاش كوشەتتەرىن جاندىكتەرگە قار­سى ارنايى پرەپاراتتارمەن دارىلەپ, اعاش كوشەتتەرىن اكتەپ, فورموۆكا, ياعني ارنايى ءپىشىن بەرىپ جاتىر. سونىڭ ىشىندە شاھاردىڭ قاراتاۋ اۋدا­نىندا كوگالداندىرۋ مەن تازا­لىق جۇمىستارىن 19 جىلدىق تاجىري­بەسى بار «جاسىل جەر» جاۋاپكەرشىلىگى شەكتەۋلى سەرىكتەستىگى قولعا العان. ايتا كەتۋ كەرەك, اتالعان سەرىكتەستىكتىڭ ارنايى تەحنيكا اۆتوپاركى, ەكى وندىرىستىك بازاسى, تۇقىمباعى, جىلدىق ونىمدى­لىگى 1,5 ميلليوننان اساتىن جەكە جى­لىجايى جانە بۇتالاردى وسىرۋگە ارنالعان كونتەينەرلىك الاڭى بار. مە­كەمەنىڭ كوگالداندىرۋ سالاسىن­داعى مول تاجىريبەسىنىڭ ارقاسىندا جاسىل جەلەكتەر سانى كوبەيىپ, كو­گال­داندىرىلعان اۋماقتار سانى ارتىپ كەلەدى, دەدى قالالىق جايلى ورتانى دامىتۋ باسقارماسىنىڭ وكىلى جارىلقاسىن ماشبەك.

قالا تۇرعىنى قاراشاش اجىباەۆا دا بۇكىل ەلىمىز بويىنشا اتقارى­لىپ جاتقان تازالىق اكتسياسىنا ءدان ريزا. ءوزىنىڭ ايتۋىنشا, وسىناۋ تازالىق ناۋقانى ارقىلى مەگاپوليستىڭ كوپ­تەگەن اۋماعى تازارىپ قالدى. اسىرەسە كوپقاباتتى ۇيلەردىڭ اۋلالارى مەن قالا سىرتىنداعى شالعاي ەلدى مەكەندەر دە اباتتانىپ, كەلبەتى كورىكتى بولا ءتۇستى. اكتسيانىڭ جىل بويى وتەتىنى قۋانتادى دەيدى ول. ويتكەنى جاز بەن كۇز مەزگىلىندە دە قالانىڭ تازالايتىن اۋماقتارى تابىلادى. ەڭ باستىسى, قاراپايىم تۇرعىنداردىڭ تازالىق ناۋقانىن بەلسەندى قولداپ تۇر.

بۇعان ەلىمىزدە اكتسيانى ناسي­حات­تاۋ ماقساتىنداعى يدەولوگيا­لىق جۇمىس­تاردىڭ وڭ اسەر ەتكەنى سەزى­لەدى. ويتكەنى اتقارۋشى بيلىك تاراپىنان حالىق اراسىندا تازالىق مادە­نيەتىن قالىپتاستىرۋعا, سونداي-اق قالا تازالىعىن ساقتاۋعا باعىتتالعان اقپاراتتىق-ءتۇسىندىرۋ جۇمىستارى بۇل كۇندەرى مىقتاپ قولعا الىنعان. البەتتە, مۇندا, ادامداردىڭ بويىن­دا تابيعاتقا دەگەن جاناشىرلىق سەزى­مىن وياتۋ, اسىرەسە ءوسىپ كەلە جاتقان جاس ۇرپاقتى قورشاعان ورتانى تازا ۇستاۋعا تاربيەلەۋ ماقساتى جاتقانى بەلگىلى.

شىمكەنت