4 شىلدەدە قاسىم-جومارت توقاەۆ قازاقستاننىڭ شىۇ-عا توراعالىعى اياسىندا اتقارىلعان جۇمىستاردىڭ قورىتىندىسى جونىندە باياندادى. ول شىۇ-عا بارلىق قاتىسۋشىلاردىڭ بەلسەندى قولداۋىنىڭ ارقاسىندا قازاقستاننىڭ توراعالىق ەتۋ كەزەڭىندە ءتۇرلى دەڭگەيدەگى 150-گە جۋىق ءىس-شارا وتكىزىلگەنىن ايتتى, دەپ حابارلايدى Egemen.kz.
«كەلىسىمشارتتىق بازا 60 جاڭا قۇجاتپەن تولىقتىرىلدى, ونىڭ ىشىندە ەسىرتكىگە قارسى ستراتەگيا, ەكونوميكالىق ىنتىماقتاستىق ستراتەگياسىن ىسكە اسىرۋ جوسپارى, قورشاعان ورتانى قورعاۋ سالاسىنداعى كەلىسىم جانە ەنەرگەتيكالىق ىنتىماقتاستىقتى دامىتۋ ستراتەگياسى, ينۆەستيتسيالار جونىندەگى ارنايى جۇمىس توبىنىڭ قىزمەتى قايتا جانداندى. ۇلتتىق ۆاليۋتادا ەسەپ ايىرىسۋعا كوشۋ ۇدەرىسى قارقىن الدى», دەدى مەملەكەت باسشىسى.
استانا قاۋىمداستىعى دەكلاراتسياسىندا شىۇ-عا مۇشە مەملەكەتتەر باسشىلارى كەڭەسىنىڭ كەلەسى وتىرىسى 2025 جىلى قىتايدا وتەتىنى ايتىلعان.