ەل ۇكىمەتى الاپات سۋ تاسقىنىنان كەيىن شاعىن جانە ورتا بيزنەستىڭ م ۇلىككە قاتىستى شىعىندارىن وتەۋ ءۇشىن ءوز رەزەرۆىنەن 12 ملرد تەڭگەدەن استام قارجى ءبولۋ تۋرالى قاۋلى قابىلدادى. وڭىرلىك كوميسسيالار كاسىپكەرلەردىڭ وتىنىمدەرىن قابىلداپ جاتىر.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ۇكىمەت سۋ تاسقىنى سالدارىن جويۋ بويىنشا كەشەندى جۇمىس جۇرگىزىپ جاتىر. قابىلدانىپ جاتقان شارالاردىڭ ىشىندە ازاماتتاردى جاڭا تۇرعىن ۇيمەن قامتاماسىز ەتۋ, بىرجولعى قارجىلىق كومەك كورسەتۋ, ۇيلەردى جوندەۋ مەن قالپىنا كەلتىرۋ شىعىندارىن وتەۋ, ت. ب. بار.
زارداپ شەككەن بيزنەسكە كەلتىرىلگەن زالالدى وتەۋ جۇمىسى باستالدى. قازىرگى تاڭدا وڭىرلىك كوميسسيالار شاعىن جانە ورتا كاسىپكەرلىك سۋبەكتىلەرىنىڭ جالپى سوماسى 1,5 ملرد تەڭگەگە 178 ءوتىنىمىن قاراپ, ماقۇلدادى.
جالپى العاندا, اكىمدىكتەردىڭ الدىن الا باعالاۋى بويىنشا 746 شوب سۋبەكتىسى زارداپ شەكتى. ولاردىڭ قاتارىندا ازىق-ت ۇلىك دۇكەنى, ءدامحانا, تقكو, قوناقۇي, باسقالارى بار. بۇگىندە باعالاۋ جانە سمەتالىق جۇمىستار جۇرگىزىلۋدە, ولاردىڭ قورىتىندىسى بويىنشا وتىنىمدەر وڭىرلىك كوميسسيالاردىڭ قاراۋىنا ەنگىزىلەدى.
وسىلايشا, ۇكىمەت رەزەرۆىنەن 12 ملرد تەڭگەدەن استام قاراجات شوب م ۇلىك شىعىندارىن وتەۋ ءۇشىن اقمولا, اقتوبە, اتىراۋ, باتىس قازاقستان, قوستاناي, سولتۇستىك قازاقستان وبلىستارىنىڭ بيۋدجەتىنە اۋدارىلادى.
سۋ تاسقىنى سالدارىن جويۋ جونىندەگى جۇمىس ۇكىمەت باسشىلىعىنىڭ تۇراقتى باقىلاۋىنا الىنعان. بۇعان دەيىن توتەنشە رەزەرۆتەن باتىس قازاقستان, قوستاناي وبلىستارىندا اۋەدەگى ەلەكتر بەرۋ جەلىلەرىن قالپىنا كەلتىرۋگە 2,4 ملرد تەڭگەدەن استام قارجى بولىنگەن بولاتىن.