تۇركيا پرەزيدەنتى رەجەپ تايپ ەردوعاننىڭ ۇشاعى استاناعا قوندى. تۇركيا ەلىنىڭ باسشىسىن پرەمەر-مينيستر ولجاس بەكتەنوۆ قارسى الدى, دەپ جازادى Egemen.kz.
رەجەپ تايىپ ەردوعان 3-4 شىلدەدە وتەتىن شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-ءشى وتىرىسىنا قاتىسادى. تۇركيا — ۇيىمعا سەرىكتەس ەل.
ايتا كەتەيىك, تۇركيا قازاقستاننىڭ ەڭ ءىرى ساۋدا سەرىكتەستەرىنىڭ بەستىگىنە ءارى ينۆەستور ەلدەردىڭ ۇزدىك 20 مەملەكەتىنە كىرەدى.
وسى جىلدىڭ 4 ايىندا ءوزارا ساۋدا كولەمى $1,6 ملرد-قا جەتتى. ەكى ەلدىڭ ۇكىمەتتەرى ساۋدانىڭ تۇراقتى كولەمىن كەمىندە $10 ملرد دەڭگەيىندە جوسپارلى تۇردە قامتاماسىز ەتۋ بويىنشا جۇمىس ىستەپ جاتىر.