2 شىلدە كۇنى الماتىدا قازاقستان بوكس فەدەراتسياسىنىڭ ماراپاتتاۋ ءراسىمى ۇيىمداستىرىلدى. ءىس-شارادا بانگكوكتا وتكەن ليتسەنزيالىق تۋرنيردەگى جوعارى ناتيجە كورسەتكەن مۇحاممەدسابىر بازارباي ۇلى, نازىم قىزايباي جانە ۆالەنتينا حالزوۆاعا اقشالاي سىياقى تابىستالدى, دەپ جازادى Egemen.kz.
پاريج وليمپياداسى جولداماسىنىڭ يەگەرى اتانعان ءار بوكسشىعا 10 ميلليون تەڭگەدەن بەرىلدى.
سونىمەن قاتار سپورتشىلاردىڭ دايىندىعىنا ۇلەس قوسقان باپكەرلەر دە ەلەۋسىز قالمادى. سەگىز مامانعا 1,5 مەن 5 ميلليون تەڭگە ارالىعىندا سەرتيفيكاتتار تابىستالدى.
اتاپ ايتقاندا:
ەلدوس سايدالين – 5 ميلليون;نۇركەن انداسوۆ – 3 ميلليون;مارات قىرىقباەۆ – 3 ميلليون;دولكۋنجان كامەكوۆ – 3 ميلليون;مارات ماناشەۆ – 3 ميلليون;مۇحيت احمەتوۆ – 2,5 ميلليون;قۋانىش بەيسەمبەكوۆ – 1,5 ميلليون;رۋستام تاپي – 1,5 ميلليون.
ءىس-شاراعا تۇرسىنعالي ەدىلوۆ, ەرماحان يبرايموۆ, مۇحتارحان دىلدابەكوۆ جانە قازاقستان بوكس فەدەراتسياسىنىڭ باسشىلىق قۇرامى قاتىستى.
Tengri Sport باسىلىمىنا بەرگەن سۇحباتىندا قازاقستان بوكس فەدەراتسياسىنىڭ پرەزيدەنتى شاحمۇرات ءمۇتالىپ جۇلدەلەر مەملەكەتتىك بيۋدجەتتەن بەرىلمەگەنىن, بۇل فەدەراتسيا پرەزيدەنتىنىڭ باستاماسىمەن جاسالعان دەمەۋشىلىك ەكەنىن اتاپ ءوتتى.