سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ يراننىڭ قازاقستانداعى توتەنشە جانە وكىلەتتى ەلشىسى ءالي اكبار دجوۋكارمەن كەزدەستى. تاراپتار ەگىس القاپتارىن سۋارۋ جانە سۋارمالى سۋدى تاسىمالداۋ كەزىندە سۋ شىعىنىن ازايتۋ ءۇشىن تاجىريبە جانە تەحنولوگيالار الماسۋ ماسەلەسىن تالقىلادى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
ەلىمىزگە يراندىق كومپانيالار جەراستى سۋلارىن پايدالاناتىن زاماناۋي سۋارۋ جۇيەلەرىن, سونداي-اق سۋدى وسىمدىكتەردىڭ تامىرىنا تىكەلەي جەتكىزەتىن تامشىلاتىپ سۋارۋدىڭ اۆتوماتتى قوندىرعىلارىن ۇسىنۋعا دايىن.
«بۇگىندە ءبىز سۋ قويمالارى مەن باسقا دا سۋ شارۋاشىلىعى قۇرىلىستارىن سالۋ جانە رەكونسترۋكتسيالاۋ بويىنشا اۋقىمدى جۇمىستى باستادىق. يران كومپانيالارىنىڭ وسى باعىتتا ۇلكەن تاجىريبەسى بار, ءتيىمدى تەحنولوگيالاردى دامىتىپ جاتىر. ولاردىڭ كەيبىرى ەلىمىزدە جۇمىس ىستەۋدە. اتاپ ايتقاندا, جامبىل جانە تۇركىستان وبلىستارىندا يرريگاتسيالىق جەلىلەردى قايتا جاڭعىرتۋ جۇمىسى بەلسەندى ءجۇرىپ جاتىر. سوندىقتان يراندىق كاسىپكەرلەردى سۋ ينفراقۇرىلىمىن سالۋ مەن جوندەۋگە ارنالعان كونكۋرستارعا قاتىسۋ ءۇشىن ەلىمىزگە شاقىرعىم كەلەدى», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
ايتا كەتەرلىگى, وسى تەحنولوگيالاردىڭ ناتيجەسىندە يران كۇرىش وسىرۋگە جۇمسالاتىن سۋ شىعىنىن ەداۋىر ازايتىپ, ونىمدىلىكتى ارتتىرعان.