جاڭا تەحنولوگيا جەتىستىككە باستايدى

قمگ كەن ورىندارىنىڭ تۇيتكىلدى ماسەلەلەرىنىڭ ءبىرى ءوندىرىلۋى قيىنعا تۇسەتىن قورلاردى يگەرۋمەن بايلانىستى. قازىرگى ۋاقىتتا جەتىلگەن كەن ورىندارىنان الىناتىن قالدىق قورلار شامامەن 450 ملن توننانى قۇرايدى, بۇل رەتتە ءوندىرىلۋى قيىنعا تۇسەتىن قورلاردىڭ ۇلەسى 50%-دان اسادى. ءوندىرىلۋى قيىنعا تۇسەتىن قورلاردىڭ باسىم بولىگى تۇتقىرلىعى جوعارى, مۇناي وتكىزگىشتىگى تومەن جانە كاربوناتتى كوللەكتورلارى بار كەن ورىن­دارىنا شوعىرلانعان.

قمگ جەتىلگەن كەن ورىندارى ءۇشىن تەحنولوگيالىق سىن-قاتەرلەر جول كارتاسى بويىنشا (جالپى سانى 70-تەن استام) ءوندىرۋدىڭ 80%-دان استامىن قامتاماسىز ەتەتىن ۇزدىك 12 كەن ورنى انىقتالدى. وسى كەن ورىندارى بويىنشا مۇناي ءوندىرۋ كوەففيتسيەنتىن (موك) ۇلعايتۋ جونىندەگى ءىس-شارالار بەكىتىل-ءدى.

كەڭەستە ءوندىرىس قارقىنىن ۇلعايتۋ ماقساتىندا قولدانىلعان تەحنو­لو­گيا­لاردىڭ ناتيجەلەرى قارالدى (ورتا موك – 38%). سونداي-اق قمگ ءاربىر ءوندىرۋشى كاسىپورىننىڭ تەحنولوگيالىق سىن-قاتەرلەرى بويىنشا 2028 جىلعا دەيىنگى ناقتى كۇنتىزبەلىك جوسپار ۇسىنىلدى. بۇل كارتالار دايىندىق جۇمىستارىن, تاجىريبەلىك-ونەركاسىپتىك سىناقتاردى جانە كەن ورىندارىنا ءتيىمدى تەحنولوگيا­لاردى ەنگىزۋدى قامتيدى.

قمگ باسشىسى ءوندىرىلۋى قيىنعا تۇسەتىن مۇناي قورلارىن يگەرۋ, رەن­تابەلدىلىگى تومەن كەن ورىندارىنان مۇناي ءوندىرۋ قارقىنىن ارتتىرۋ, جوندەۋارالىق كەزەڭدى ۇلعايتۋ, سونداي-اق جاڭا تەحنولوگيالاردى ەنگىزۋ ءۇشىن عىلىمي زەرتتەۋ جانە تاجىريبەلىك-كونسترۋكتورلىق جۇمىستاردى (عزتكج) جۇرگىزۋ سياقتى ءتۇيىندى ماسەلەلەردى اتاپ ءوتتى.

«جاڭا تەحنولوگيالار مۇناي ءوندى­رۋدىڭ ۇلعايۋىنا قول جەتكىزۋگە مۇم­كىندىك بەرەدى. ءوندىرىلۋى قيىنعا تۇسەتىن مۇناي قورلارىنىڭ زور الەۋەتىن ەسكەرە وتىرىپ, جەتىلگەن كەن ورىندارىنداعى ءوندىرىستى ارتتىرۋ جانە موك ۇلعايتۋ ءۇشىن سىنالعان جانە ۇسىنىلعان تەحنولوگيالاردى ونەركاسىپتىك ەنگىزۋ تاجىري­بەسىن بارىنشا اۋقىمدى ەتۋ قاجەت», دەپ اتاپ ءوتتى كەڭەستە ءسوز سويلەگەن ا.حاسەنوۆ.

كەڭەس ناتيجەسىندە قمگ ءوندىرۋشى كومپانيالاردىڭ الدىنا ناقتى مىن­دەتتەر قويىلدى.