ءادىل قوعامداعى ادىلەتتىلىك سوزبەن ەمەس, ىسپەن كورىنۋگە ءتيىس. ونىڭ مىسالىن جەكە قولدارعا زاڭسىز ءوتىپ كەتكەن جالپىعا ورتاق م ۇلىكتەردىڭ مەملەكەتكە قايتارىلۋىنان, بيزنەستىڭ مۇددەسىن قورعاۋ جاعدايلارىنان بايقاۋعا بولادى.
ماسەلەن, جۋىردا شىمكەنت قالالىق پروكۋراتۋراسىنىڭ نارازىلىعىمەن مەملەكەتكە 263 ملن تەڭگەدەن استام قارجى قايتارىلدى. مامانداندىرىلعان اۋدانارالىق اكىمشىلىك سوتىنىڭ شەشىمىمەن ء«Teمىر-مەتالل وپتوم» جشس-عا قاتىستى سالىقتىق تەكسەرۋ اكتىسىن جانە تەكسەرۋ ناتيجەسى تۋرالى حابارلامانى جويۋ تۋرالى اكىمشىلىك تالاپ قاناعاتتاندىرىلمادى.
مەملەكەتتىك كىرىستەر دەپارتامەنتى سالىقتاردى جانە بيۋدجەتكە تولەنەتىن باسقا دا مىندەتتى تولەمدەردى دۇرىس ەسەپتەۋ جانە ۋاقتىلى تولەۋ ماسەلەسى بويىنشا جشس-عا قاتىستى سالىقتىق قۇجاتتامالىق تەكسەرۋ تاعايىنداعان. تەكسەرۋ قورىتىندىسىمەن حابارلاما بەرىلىپ, وعان سايكەس قوسىمشا 263 ملن تەڭگە ەسەپتەلگەن.
دەپارتامەنتتىڭ حابارلاماسى جشس-نىڭ رەسمي قۇجات اينالىمى ارقىلى سەنىمسىز جەتكىزۋشىلەرمەن مامىلەلەر بويىنشا شىعىستارى سالىق سالىناتىن تابىستان شەگەرىمگە جاتقىزىلاتىندىعىنا نەگىزدەلگەن. جشس بۇل سوت شەشىمىمەن كەلىسپەي, اپەللياتسيالىق سوتقا شاعىم تۇسىرگەن.
شىمكەنت قالالىق سوتىنىڭ اكىمشىلىك ىستەر جونىندەگى سوت القاسىنىڭ قاۋلىسىمەن تالاپ قويۋدى قاناعاتتاندىرۋ تۋرالى جاڭا شەشىم شىعارىلا وتىرىپ, ءبىرىنشى ساتىداعى سوت شەشىمىنىڭ كۇشى جويىلعان.
اپەللياتسيالىق ساتىداعى سوتتىڭ ماتەريالدىق قۇقىق نورمالارىن دۇرىس قولدانباۋىنا بايلانىستى قالا پروكۋراتۋراسى كاسساتسيالىق ءوتىنىشحات ەنگىزىپ, مەملەكەتتىڭ مۇددەسىن قورعادى. سونىمەن قاتار ەلىمىزدە «بيزنەسكە جول» جوباسى اياسىندا 37 مىڭنان استام كاسىپكەردىڭ قۇقى قورعالدى. سىبايلاس جەمقورلىققا قارسى ءىس-قيمىل اگەنتتىگى «بيزنەسكە جول» جوباسىن ىسكە اسىرىپ, شاعىن جانە ورتا بيزنەستىڭ ناقتى ماسەلەلەرىن شەشۋگە اتسالىسىپ كەلەدى.
جوبا ىسكە قوسىلعان ساتتەن باستاپ 37 مىڭنان استام كاسىپكەردىڭ قۇقى قورعالىپ, 768 پروبلەمالىق كەيس شەشىلدى. بيىلدىڭ وزىندە 7 مىڭنان استام كاسىپكەر 83 كەيس بويىنشا جوبا اياسىندا كومەك الدى.
ماسەلەن, تۇركىستان وبلىسىندا فەرمەرلەر ءۇشىن سۋارمالى سۋدىڭ باعاسىن كوتەرگەن دەلدالدىق فيرمالاردىڭ قىزمەتى توقتاتىلدى. ەندى سۋ جەتكىزۋشى («قازسۋشار» شجق رمك) شارۋاشىلىقتارمەن تىكەلەي شارتتار جاساسادى, بۇل باعانى 2 ەسە (1 مىڭ تەكشە مەتر ءۇشىن 766 تەڭگەدەن 421 تەڭگەگە دەيىن) تومەندەتتى.
جەتىسۋ وبلىسىندا اقشانىڭ بولماۋى سەبەبىنەن شارتتاردى ۇزارتپاعان 275 مەكتەپ تاماقتاندىرۋشىسىنىڭ قۇقى قورعالدى. اكىمدىك بولىنگەن قاراجاتتى باسقا باعىتقا اۋدارعان. سالدارىنان كاسىپكەرلەر 2 اي ىشىندە بالالاردى ءوز ەسەبىنەن تاماقتاندىرۋعا ءماجبۇر بولعان. سىبايلاس جەمقورلىققا قارسى قىزمەتتىڭ ۇسىنىسىمەن قارجىلاندىرۋ قالپىنا كەلتىرىلىپ, شارتتار ۇزارتىلدى.
جوبا اياسىندا كاسىپكەرلىك قىزمەتكە زاڭسىز ارالاسۋ فاكتىلەرىنىڭ الدىن الۋ ماسەلەلەرىنە ەرەكشە نازار اۋدارىلادى. مۇنداي ارەكەتتەر ءۇشىن سوت شەشىمى نەمەسە قاداعالاۋ ورگانىنىڭ ولاردى زاڭسىز دەپ تانۋ تۋرالى اكتىسى شىعارىلعان جاعدايدا تۋىندايتىن اكىمشىلىك جاۋاپكەرشىلىك كوزدەلگەن.