اقتاۋ. 26 ءساۋىر. اقتاۋدا سايلاۋشىلاردىڭ داۋىس بەرۋدەگى بەلسەندىلىگى ارتا ءتۇستى. بۇل تۋرالى egemen.kz ءتىلشىسى حابارلادى.
ساعات سايىن اقتاۋ قالاسىدا داۋىس بەرۋشىلەر قاتارى قالىڭداي تۇسۋدە. ماڭعىستاۋ وبلىسىنىڭ ورتالىعى اقتاۋ قالاسىندا 117 مىڭ سايلاۋشى تىركەلگەن. ولار ءۇشىن بۇگىن تاڭەرتەڭ 58 سايلاۋ ۋچاسكەسى ەسىكتەرىن ايقارا اشتى.
قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنىڭ ءوتۋ بارىسىن بايقاۋ ءۇشىن ماڭعىستاۋ وبلىسىنا كەلگەن 20-عا تارتا حالىقارالىق بايقاۋشىلار وبلىستىڭ تۇگەلگە دەرلىك اۋدان-قالالارىندا سايلاۋ جۇمىستارىن بايقاۋدا.
«بۇگىن اۋا رايى دا تاماشا بولىپ تۇر. بۇل سايلاۋعا كەلۋشىلەرگە قوسىمشا كوڭىل-كۇي سىيلايدى. قازىر اقتاۋ قالاسىنىڭ جوعارعى بولىگىندە ورنالاسقان 28-شاعىن اۋدانداعى №44 سايلاۋ ۋچاسكەسىنە كەلۋشىلەر سانى ارتتى», – دەيدى اتالعان سايلاۋ ۋچاسكەسىنىڭ باسشىسى نۇرىم ابدۋللاەۆ.
گۇلايىم شىنتەمىرقىزى.
دەرەك: egemen.kz.
Cۋرەت: ت.قۇسايىن, س.مايەمەروۆ.