گەرمانيادا «Siemens» ماركالى مەديتسينالىق قۇرال-جابدىقتار شىعارىلادى. ساپاسى مىقتى, قۋاتى وراسان. سول سيمەنسىڭىز اتاعى جەر جارعان باي, باعلان ەمەس, جارلى-جاقىباي ينجەنەر ەكەن. باسىندا يدەيا كوپ, قالتاسىندا اقشاسى جوق. مەديتسينادا تالاي قوندىرعىنىڭ جوباسىن جاساعان. سوڭىندا ءبىر اقىلدى بيزنەسمەن سيمەنستى قاراماعىنا الادى. بار بولعانى وسى.
شىمكەنتتەگى «ورداباسى» يندۋستريالىق ايماعىندا ەلىمىزدە تۇڭعىش رەت بالالار ويىنشىعىن شىعارىپ جاتقان «بايتەمىروۆا» فيرماسىنىڭ «ناۋرىز-پلاستيك» ساۋدا بەلگىسىندەگى ويىنشىعىنا باستاماشى بولعان ناۋرىزبەك دەگەن بوزبالا.
كاسىپورىن ديرەكتورى رابيعا بايتەمىروۆانىڭ ۇلى ناۋرىزبەك قىتايدا جوعارى ءبىلىم الىپ جاتقان ستۋدەنت. الدى قىتاي, سوڭى يران, وزبەكستانعا سابىلىپ, قازاقستانعا بالالار ويىنشىعىن تاسىمالدايتىن اناسىن اياعان ءارى بيزنەس قارەكەتى بويىندا بارىن اڭداعان بالاسى وتاندىق ويىنشىقتار شىعاراتىن زاۋىت اشۋدى ۇسىنادى.
بايتەمىروۆا حانىم قالاي بولار ەكەن دەپ ويلانادى. شىعىس-بەرىستى ەسەپشوتقا سالىپ بايقايدى. جاقىندارىمەن اقىلداسادى. ويلاپ وتىرسا ايەل زاتىنا تەپەڭدەپ شەتەل اسۋ, قانشاما قيىندىقتارمەن تاۋار اكەلۋ وڭاي شارۋا ەمەس. قارجىلىق قيىندىقتار جانە بار. «الىستان اربالاعانشا, جاقىننان دوربالا» دەگەن ناقىلدى دا ەسىنە الىپ قويادى. قولىنان كەلەر مە ەكەن.
ءوزiمiز جيناعان قاراجاتقا جانە «بيزنەستiڭ جول كارتاسى-2020» باعدارلاماسى ارقىلى الىنعان نەسيەگە قىتايدان ارنايى قوندىرعىلار ساتىپ اكەلدiك. ءسويتiپ, ءۇش جەلiنi iسكە قوستىق. بۇگiنگi تاڭدا قۇراستىرمالى لەگو جانە ءارتۇرلi كولەمدەگi «ماك» جۇك كولiكتەرi ويىنشىقتارىن شىعارۋدامىز. كەلەشەكتەگi جوسپارىمىزدا ديستانتسيالىق پۋلتپەن باسقارىلاتىن ماشينالار مەن مۋزىكالىق جانە وزگە دە بالالارعا ۇنايتىن ويىنشىقتار جاساپ, كورشiلەس مەملەكەتتەرگە ەكسپورتتاۋ نيەتi تۇر. بۇيىمدارىمىز پاتەنتتەلگەن. سوندىقتان دا وزگە ەلدiڭ ءدال بiزدiكiندەي ويىنشىقتارىنىڭ قازاقستاندا ساتىلۋىنا تىيىم سالىنادى. سونىمەن بiرگە, بiزدiڭ ويىنشىقتار بالا دەنساۋلىعىنا ەشقانداي قاۋiپ توندiرمەيدi. ويتكەنi, ەكولوگيالىق تازا ءارi ساپالى شيكiزاتتان جاسالعان. سول ءۇشiن دە شىعار, وزبەكستاننان كەلەتiن ساپاسى تومەن ويىنشىقتار قازiر دۇكەن, بازارلاردا ازايىپ قالدى. كەرiسiنشە, وتاندىق تاۋارعا دەگەن سۇرانىس ءوسiپ كەلەدi. ءوز كەزەگiندە, كاسiپورىننىڭ ماركەتينگتiك ستراتەگياسىن, بيزنەس جوسپارىن جاساپ, قازاقستانداعى ويىنشىقتار نارىعىنىڭ بۇگiنگi احۋالىنا تالداۋ جۇرگiزiپ بەرگەن كاسiپكەرلەرگە قىزمەت كورسەتۋ ورتالىعىنا العىسىمدى بiلدiرەمiن. تاۋەكەلشىل رابيعا بايتەمىروۆا حانىم وسىلاي دەيدى.
كاسىپورىن ويىنشىق جاساۋعا قاجەتتى پوليپروپيلەن مەن پوليەتيلەندى ازىرگە رەسەيدەن الدىرىپ وتىر. ازىرشە دەيتىنىمىز, قازاقستاندا مۇنايدان حيميالىق ءونىمدەر وندىرەتىن كاسىپورىندار اشىلاتىندىعى جونىندە ۇكىمەتتە ماسەلە كوتەرىلگەن. ونداي جاعدايدا, قازاقستاندىق ويىنشىقتار ناعىز وتاندىق ءونىم بولادى.
قىتاي, وزبەكستاننىڭ كووپەراتيۆتەرىنەن كەلىپ جاتقان ويىنشىقتاردىڭ دەنى ۋلى زاتتار ءبولىپ, بالالاردىڭ دەنساۋلىعىن بۇزاتىنىن ەپيدەميولوگتار تالاي رەت ايتىپ, دابىل قاققان.
ەندى قازاقستاندىق ونىمدەردىڭ ساپاسى تۋرالى الاڭداماسا دا بولادى.
زاۋىت قۇرىلتايشىسىنىڭ ەندىگى ماقساتى ونىمدەرىن شەتەلگە دە شىعارۋ. انا تىلىمىزدە جۇرەككە جىلى تيەتىن, شەتەل تىلىندە اۋەزدى ەستىلەتىن اتاۋدى تاۋىپ, الەمدىك برەندكە اينالدىرعىسى كەلەدى.
ءسوز باسىندا جارلى-جاقىباي ينجەنەر سيمەنستى ايتتىق. كۇندىك تاعامىن زورعا ايىرىپ جۇرگەن ونەرتاپقىش ءوز اتىنىڭ الەمدىك برەندكە اينالاتىنىن ارمانداپ كوردى دەيسىز بە؟! سول سياقتى قازاقستاندىق ويىنشىقتاردىڭ نارىقتان ءوز ورنىن ويىپ الماسىنا كىم كەپىل.
مۇندايدا «گەنەرال بولۋدى ارمانداماعان سولدات سولدات ەمەس» دەيدى. قازاقستاندىق ويىنشىقتاردىڭ دا شەتەلدىك سۋپەرماركەتتەردە جايناپ تۇرارىنا سەنگىمىز كەلەدى.
باقتيار تايجان,
«ەگەمەن قازاقستان».
شىمكەنت.