سىبايلاس جەمقورلىققا قارسى قىزمەت 2023 جىلدان بەرى ىزدەۋدە جۇرگەن ۋ. ەسىمدى ازاماتتى ۇستادى, دەپ حابارلايدى Egemen.kz ANTIKOR تەلەگرام-ارناسىنا سىلتەمە جاساپ.
ۇستالعان ازامات بۇرىن سوت ۇكىمىمەن تاركىلەنگەن ءۇش ءۇي مەن ەكى پاتەر تۇرىندەگى مەملەكەتتىك م ۇلىكتى جىمقىردى دەگەن كۇدىككە ءىلىندى.
الاياقتىق الماتى قالاسى بويىنشا اكىمدىك پەن ۇقكد لاۋازىمدى ادامدارىنىڭ قاتىسۋىمەن باقىلاۋداعى ادامدارعا جالعان تومەن باعامەن جانە بەلگىلەنگەن ساۋدا-ساتتىقسىز جىلجىمايتىن م ۇلىكتى ساتۋ جولىمەن جاسالعان.
«وسى جىلدىڭ 14 ماۋسىمىندا بىشكەك قالاسىندا ۋ. ازاماتى ۇستالعاننان كەيىن ول قىرعىز رەسپۋبليكاسى ءىىم قىزمەتكەرلەرىنە جەڭىلدەتىلگەن راسىمدەر بويىنشا ءوز ەركىمەن وتانىنا ورالۋعا دايىندىعى تۋرالى حابارلادى. سول كۇنى الماتى قالاسى پروكۋراتۋراسىنىڭ ۇيلەستىرۋىمەن سىبايلاس جەمقورلىققا قارسى قىزمەت قىزمەتكەرلەرىنىڭ سۇيەمەلدەۋىمەن ۋ. ازاماتى قىرعىز رەسپۋبليكاسىنىڭ شەكاراسىنان ءوتىپ, الماتى قالاسىنا جەتكىزىلدى», دەلىنگەن حابارلامادا.
قازىرگى ۋاقىتتا تەرگەۋ امالدارى جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.